အင်ဒိုနီးရှားနိုင်ငံသည် မကြာသေးမီက နှစ်နိုင်ငံအကြား လက်မှတ်ရေးထိုးခဲ့သည့် အပြန်အလှန်ကုန်သွယ်မှု သဘောတူညီချက် (Reciprocal Trade Agreement) ၏ တစ်စိတ်တစ်ပိုင်း အဖြစ် အမေရိကန်နိုင်ငံထံမှ Grandparent Stock (GPS) ဟု ခေါ်ဆိုသော အရည်အသွေးမြင့် မျိုးဆက်ပွားကြက် (မျိုးသန့်ကြက်) ကောင်ရေ ၅၈၀,၀၀၀ ကို တင်သွင်းရန် စီစဉ်နေသည်။ အဆိုပါ တင်သွင်းမှုသည် ခန့်မှန်းခြေအားဖြင့် အမေရိကန်ဒေါ်လာ သန်း ၂၀ ခန့် တန်ဖိုးရှိမည် ဖြစ် သည်။ အင်ဒိုနီးရှားနိုင်ငံ၏ စီးပွားရေးဆိုင်ရာ ပေါင်းစပ်ညှိနှိုင်းရေးဝန်ကြီးဌာန၏ ပြောရေးဆိုခွင့်ရှိသူ Haryo Limanseto က လက်ရှိတွင် အင်ဒိုနီးရှားနိုင်ငံ၌ မရှိသေးသည့် အဆင့်မြင့်ကြက်မျိုးရိုး ဗီဇ ဆိုင်ရာ လိုအပ်ချက်များကို ဖြည့်ဆည်းရန်အတွက် ပြည်တွင်းမွေးမြူရေးသမားများ၏ အရေးပေါ် တောင်းဆိုမှုအရ ယခုကဲ့သို့ တင်သွင်းရခြင်းဖြစ်ကြောင်း တနင်္ဂနွေနေ့က ပြောကြားခဲ့ သည်။ GPS (မျိုးဆက်ပွားကြက်) များသည် မျိုးရိုးဗီဇဆိုင်ရာ အရင်းအမြစ်အဖြစ် ပြည်တွင်းကြက် မွေးမြူရေး သမားများအတွက် အလွန်အမင်း လိုအပ်နေခြင်းဖြစ်ပြီး၊ အင်ဒိုနီးရှားနိုင်ငံတွင် GPS မျိုးပွားထုတ် လုပ်သည့် စက်ရုံနှင့် အဆောက်အအုံများ မရှိသေးပါ' ဟု Haryo က ထုတ်ပြန်ချက်တွင် ထည့်သွင်းပြောကြားခဲ့သည်။ မျိုးဆက်ပွားကြက်များအပြင် အင်ဒိုနီးရှားနိုင်ငံသည် အခြား သော အမေရိကန် တိရစ္ဆာန်ထွက်ကုန် အမျိုးမျိုးအတွက်လည်း ဈေးကွက်တံခါး ဖွင့်လှစ်ပေးသွား မည် ဖြစ်သည်။ ယင်းတို့တွင် မျိုးပွားနွားများ၊ အသားတိုးနွားများနှင့် အသားစားနွားများအပြင် ဝက်၊ မြင်း၊ သိုးနှင့် ဆိတ်များလည်း ပါဝင်သည်။ ထို့အပြင် အင်ဒိုနီးရှားနိုင်ငံသည် ဝက်အူချောင်းနှင့် နဂ္ဂတ် (nuggets) ကဲ့သို့သော အသင့်စား အစားအစာ ထုတ်လုပ်ရေးလုပ်ငန်းများအတွက် ကုန် ကြမ်းအဖြစ် အသုံးပြုရန် အရိုးနွှင်ပြီးသား အသား (mechanically deboned meat) တန်ချိန် ၁၂၀,၀၀၀ မှ ၁၅၀,၀၀၀ ကြားကို နှစ်စဉ် ပုံမှန်တင်သွင်းသွားရန်လည်း ကတိပြုထားသည်။ ယခု ကုန်သွယ်မှု သဘောတူညီချက်အရ တင်သွင်းမှုများ တိုးမြှင့်လိုက်ခြင်းသည် ပြည်တွင်းမွေးမြူရေး ထုတ်လုပ်သူများကို ထိခိုက်စေမည်မဟုတ်ကြောင်း Haryo က အလေးပေး ပြောကြားခဲ့သည်။ အကြောင်းမှာ အစိုးရအနေဖြင့် ဈေးနှုန်းတည်ငြိမ်စေရန်နှင့် နိုင်ငံတွင်း အသားထောက်ပံ့မှု မျှတစေရန် ဆက်လက်လုပ်ဆောင်သွားမည်ဖြစ်သောကြောင့် ဖြစ်သည်။ အစိုးရအနေဖြင့် ပြည်တွင်း မွေးမြူရေးသမားများကို ကာကွယ်ရန်နှင့် နိုင်ငံတွင်း ကြက်သားထောက်ပံ့မှုနှင့် ဈေးနှုန်းမျှတမှုကို ထိန်းသိမ်းရန် ဆက်လက်ဦးစားပေး ဆောင်ရွက်လျက်ရှိပြီး၊ ပြည်တွင်းလုပ်ငန်းများကို အနစ်နာခံစေမည့် မည်သည့်မူဝါဒမျိုးမျှမရှိကြောင်း ၎င်းကာင်းအဆိုပြုခဲ့ကြောင်း သိရှိရပါသည်။
Source :Xinhua
DOCA(ရန်ကုန်)