တန်ဇန်းနီးယားပျားရည် နိုင်ငံတကာ အရည်အသွေးစစ်ဆေးမှု အောင်မြင်

        တန်ဇန်းနီးယား သစ်တောဝန်ဆောင်မှုအေဂျင်စီ (TFS) သည် နိုင်ငံတကာအသိအမှတ်ပြု ဂျာမနီနိုင်ငံရှိ ဓာတ်ခွဲခန်းတစ်ခုသို့ ပေးပို့စစ်ဆေးခဲ့သော ပျားရည်နမူနာများ၏ ရလဒ်များကို ထုတ်ပြန်ခဲ့သည်။ စစ်ဆေးမှုရလဒ်အရ ပျားရည်နမူနာ ၉၆ ရာခိုင်နှုန်းသည် ကမ္ဘာ့ အရည်အသွေး စံနှုန်းများနှင့် ကိုက်ညီမှုရှိကြောင်း သိရသည်။ ဤစစ်ဆေးမှုရလဒ်သည် တန် ဇန်းနီးယားနိုင်ငံအတွက် ဥရောပသမဂ္ဂ (EU) ဈေးကွက်သို့ ဆက်လက်ဝင်ရောက်ခွင့် ရရှိစေပြီး၊ ဥရောပနိုင်ငံများသို့ ပျားရည်များ ဆက်လက်တင်ပို့နိုင်စေမည်ဖြစ်သည်။ TFS ၏ ထိန်း သိမ်းစောင့်ရှောက်ရေးဆိုင်ရာ ကော်မရှင်နာမင်းကြီး ပါမောက္ခ Dos Santos Silayo က ဖေ ဖော်ဝါရီလ ၁၈ ရက်နေ့တွင် စတင်ပြီး ဖေဖော်ဝါရီလ ၂၃ ရက် ၂၀၂၆ ခုနှစ်တွင် ပြီးဆုံးမည့် Morogoro ဒေသ၌ ကျင်းပသော TFS ခေါင်းဆောင်များနှင့် စခန်းမှူးများ၏ စတုတ္ထအကြိမ် မြောက် အစည်းအဝေးတွင် အထက်ပါအတိုင်း ပြောကြားခဲ့သည်။ အဆိုပါ အစည်းအဝေးကို သဘာဝသယံဇာတနှင့် ခရီးသွားလာရေးဝန်ကြီး ဒေါက်တာ Ashatu Kijaji ကိုယ်စား ဒုတိယ ဝန်ကြီး Hamad Chande က ဖွင့်လှစ်ပေးခဲ့သည်။ ပါမောက္ခ Silayo က အေဂျင်စီအနေဖြင့် ပျားမွေးမြူရေးကဏ္ဍ ဖွံ့ဖြိုးတိုးတက်မှုကို ဆက်လက်ဦးစားပေး ဆောင်ရွက်နေကြောင်းနှင့် နိုင်ငံအတွင်း ပျားထွက်ပစ္စည်းများ ထုတ်လုပ်ရန်အတွက် ကြွယ်ဝသော သယံဇာတများ ရှိ ကြောင်း ပြောကြားခဲ့သည်။ အရည်အသွေးကို သေချာစေရန်အတွက် အေဂျင်စီသည် တန်ဇန်း နီးယားပျားရည်၏ မြင့်မားသောစံနှုန်းများကို သက်သေပြနိုင်ရန်အတွက် နိုင်ငံတကာအသိ အမှတ်ပြု ဓာတ်ခွဲခန်းများတွင် နှစ်စဉ် အထူးစစ်ဆေးမှုများ ပြုလုပ်လျက်ရှိကြောင်း ရှင်းပြခဲ့ သည်။ ၎င်းက ခရိုင်ပေါင်း ၃၄ ခုမှ ပျားရည်နမူနာ ၇၀ ကို စုဆောင်း၍ ဂျာမနီနိုင်ငံရှိ ဓာတ်ခွဲခန်းသို့ ပေးပို့စစ်ဆေးခဲ့ကြောင်း ပြောကြားခဲ့သည်။ စစ်ဆေးချက်အရ ၉၆ ရာခိုင်နှုန်းသည် နိုင်ငံတကာ အရည်အသွေးစံနှုန်းများနှင့် ကိုက်ညီသောကြောင့် တန်ဇန်းနီးယားသည် ဥရောပ သမဂ္ဂဈေးကွက်သို့ ပျားရည်များကို ဆက်လက်တင်ပို့နိုင်မည်ဖြစ်သည်။ ၎င်းက ပျားရည် ထုတ်လုပ်သူများကို အရည်အသွေးမမီသော စက်ကိရိယာများဖြင့် ထုတ်လုပ်ခြင်းနှင့် အရည်အသွေး ညံ့သော ကွန်တိန်နာများတွင် သိုလှောင်ခြင်းများကို ရှောင်ကြဉ်ပြီး လိုအပ်သည့် အရည် အသွေးစံနှုန်းများကိုသာ ဆက်လက်ထိန်းသိမ်းကြရန် တိုက်တွန်းခဲ့သည်။ ထို့အပြင် ပါမောက္ခ Silayo က အသေးစား၊ အလတ်စားနှင့် အကြီးစား ပျားရည်ထုတ်လုပ်ရေးစက်ရုံများ တည် ထောင်မှုကို မြှင့်တင်ရန် လိုအပ်ကြောင်း အလေးပေးပြောကြားခဲ့ပြီး၊ လက်ရှိတွင် နိုင်ငံ၌ အလတ်စားနှင့် အကြီးစား စက်ရုံ ၉၇ ခုရှိကြောင်း မှတ်ချက်ပြုခဲ့သည်။ ပျားမွေးမြူရေး ကဏ္ဍ တွင် တန်ဖိုးမြှင့်တင်ရန် ကြိုးပမ်းမှုအနေဖြင့် အေဂျင်စီသည် Tabora ဒေသ၊ Nzega တွင် ပျား ရည်ထုတ်လုပ်ရေးစက်ရုံသစ်တစ်ခု တည်ဆောက်ခြင်းကို အပြီးသတ်နေကြောင်း၊ ထို့အပြင် Manyoni ခရိုင်နှင့် Mafinga ခရိုင်ရှိ Sao Hill သစ်တောစိုက်ခင်းတို့တွင် စက်ရုံနှစ်ရုံကို ပြန် လည်မွမ်းမံနေကြောင်း ဖြည့်စွက်ပြောကြားခဲ့သည်။ တစ်ဖက်တွင်လည်း အေဂျင်စီသည် ပျား ထွက်ပစ္စည်းထုတ်လုပ်မှုကို တန်ချိန် ၃၁,၁၇၉ မှ တန်ချိန် ၃၃,၈၆၁ အထိ (၈ ရာခိုင်နှုန်း တိုးတက်မှု) ရရှိအောင် တိုးမြှင့်နိုင်ခဲ့ပြီး၊ ပျားရည်တင်ပို့မှုမှာ တန်ဖိုးအားဖြင့် ၉၃.၃ ဘီလီယံ ရှိသည့် တန်ချိန် ၉,၅၀၀ အထိ ရောက်ရှိခဲ့ကြောင်း ပြောကြားခဲ့သည်။ TFS ဘုတ်အဖွဲ့ဥက္ကဋ္ဌ၊ အငြိမ်းစား ဒုတိယဗိုလ်မှူးကြီး Chiku Gallawa က အေဂျင်စီအနေဖြင့် နိုင်ငံ၏ စီးပွားရေးတွင် သစ်တောကဏ္ဍ၏ ပံ့ပိုးကူညီမှုကို တိုးမြှင့်ရန်အတွက် သစ်တောသယံဇာတများကို ရေရှည် တည်တံ့အောင် အသုံးပြုမှုကို ဆက်လက်မြှင့်တင်သွားမည်ဖြစ်ကြောင်း ပြောကြားခဲ့ကြောင်း သိရှိရပါသည်။

Source :Dailynews                                                                     

DOCA(ရန်ကုန်)