စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ တိုင်းဒေသကြီးဦးစီး မှူးရုံးမှ ဝန်ထမ်းများနှင့် ခရိုင်တာဝန်ခံရုံးမှ ဝန်ထမ်း(၁)ဦးတို့ ပူးပေါင်း၍ (၂၄-၂-၂၀၂၆)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့ပေါ်ရှိ စက်မှုလုပ်ငန်းသုံးဆီ ထုတ်ယူရရှိသည့် စားသောက်ဆိုင် နှင့် မုန့်လုပ်ငန်းများအား ကွင်းဆင်းစစ်ဆေးခြင်းနှင့် လုပ်ငန်းရှင်များအား အသိပညာပေးဆွေးနွေးခြင်း များ ဆောင်ရွက်ခဲ့ကြောင်း သိရှိရပါသည်။
အဆိုပါကွင်းဆင်းဆောင်ရွက်ရာတွင် စားသောက်ဆိုင်လုပ်ငန်းနှင့် စားသောက်ကုန်ထုတ်လုပ်ခြင်း လုပ်ငန်းများဖြစ်ကြသည့် ကိတ်မုန့်၊ ငါးမုန့်ကြော်လုပ်ငန်းများ ဆောင်ရွက်လျက်ရှိသည့် လုပ်ငန်းရှင်များ အတွက် ထုတ်ယူရရှိသည့် လုပ်ငန်းသုံးဆီများအား လုပ်ငန်းခွင်တွင် အမှန်တကယ်သုံးစွဲခြင်းရှိ/မရှိ၊ လုပ်ငန်းခွင်အသုံးပြုရာတွင် လုံလောက်စွာရရှိမှု ရှိ/မရှိတို့အား စစ်ဆေးခဲ့ပြီး စားသောက်ကုန်ထုတ် လုပ်သည့် လုပ်ငန်းရှင်များအား မိမိတို့ထုတ်လုပ်သော စားသောက်ကုန်များသည် စားသုံးသူ ပြည်သူများ ဘေးအန္တရာယ်ကင်းရှင်းစွာ အသုံးပြုနိုင်စေရေး၊ ထုတ်ကုန်လုံခြုံစိတ်ချရမှုရှိစေရေး၊ ကုန်စည်များပေါ်တွင် ကုန်စည်အမျိုးအစားလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်း ရှိ/မရှိတို့ကိုပါ စစ်ဆေးခဲ့ပြီး စီးပွားရေးလုပ်ငန်းရှင်များအနေဖြင့်လည်း ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရေး၊ စားသုံးသူများ စိတ်ကျေနပ်မှုရရှိစေရေးနှင့် ၂၀၁၉ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်များ၏ တာဝန်များ၊ ပြစ်မှု၊ ပြစ်ဒဏ်များစသည် တို့ကို အသိပညာပေး ပြောကြားခဲ့ကြောင်း သိရှိရပါသည်။
DOCA(မကွေး)