၂၀.၂.၂၀၂၆ ရက်နေ့တွင် စားသုံးသူရေးရာဦးစီးဌာန၊ ကျိုက်ထိုခရိုင်၊ ကျိုက်ထိုမြို့နယ်မှ ခရိုင်တာဝန်ခံနှင့် မြို့နယ်တာဝန်ခံတို့သည် ကျိုက်ထိုမြို့ပေါ်ရှိ အွန်လိုင်းဖြင့် အထည်အလိပ်ရောင်းချသည့် လုပ်ငန်းရှင်တစ်ဦးနှင့် တွေ့ဆုံကာ ထိုလုပ်ငန်းရှင် ဖွင့်လှစ်ထားသည့် ကျိုက်ထိုမြို့နယ်၊ အောင်သပြေရပ်ကွက်ရှိ အထည်ဆိုင်သို့ ကွင်းဆင်း ကြည့်ရှုခဲ့ကြပြီး အွန်လိုင်းရောင်းချခြင်းနှင့် ပတ်သက်ပြီး အသိပညာပေးမှုများ ဆောင်ရွက်ခဲ့ကြောင်း သိရှိရပါသည်။
ထိုသို့ အသိပညာပေးဟောပြောရာတွင် စားသုံးသူကာကွယ်ရေးဥပဒေတွင် ပြဋ္ဌာန်းထားသော စီးပွားရေးလုပ်ငန်းရှင်၏ တာဝန်များကို လိုက်နာရန်၊ အွန်လိုင်းဖြင့် ရောင်းချပါက eComReg System တွင် မှတ်ပုံတင်ရမည်ဖြစ်ကြောင်း ဆွေးနွေးခဲ့ပြီး eComReg System တွင် မှတ်ပုံတင်လျှောက်ထားပါက ပူးတွဲတင်ပြရမည့်အချက်များ၊ မှတ်ပုံတင်ပြုလုပ်ထားသူ၏ လိုက်နာရမည့် စည်းကမ်းများအား အသိပညာပေး ဆွေးနွေးခဲ့ကြောင်း သိရှိရပါသည်။
DOCA (မွန်)