၁၉.၂.၂၀၂၆ ရက်နေ့ နေ့လည် ၁၃:၀၀ နာရီတွင် စားသုံးသူရေးရာဦးစီးဌာန၊ သထုံခရိုင်၊ သထုံမြို့နယ် တာဝန်ခံ ဦးထိန်လင်းထွန်းနှင့် ဝန်ထမ်းများသည် မြို့နယ်စည်ပင်သာယာရေး အဖွဲ့နှင့်ပူးပေါင်း၍ သထုံမြို့၊ မြို့မဈေးရှိ အိမ်သုံးလျှပ်စစ်ပစ္စည်းအရောင်းဆိုင်များအား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်းသိရှိရသည်။
အလားတူအဆိုပါနေ့တွင်ပင် ကျိုက်ထိုခရိုင်၊ ကျိုက်ထိုမြို့နယ်တာဝန်ခံ ဦးဇော်ဦးနှင့် ဝန်ထမ်းများသည် မြို့နယ်စည်ပင်သာယာရေး အဖွဲ့တို့နှင့် ပူးပေါင်း၍ ကျိုက်ထိုမြို့နယ် အတွင်း ရောင်းချလျက်ရှိသော အိမ်သုံးလျှပ်စစ်ပစ္စည်းအရောင်းဆိုင်များအား ဈေးကွက် စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရသည်။
ထို့သို့ဈေးကွက်စောင့်ကြည့်စစ်ဆေးရာတွင် သထုံမြို့နယ်နှင့် ကျိုက်ထိုမြို့ပေါ်ရှိ လျှပ်စစ်ပစ္စည်းအရောင်းဆိုင်များ၌ ရောင်းချနေသော လျှပ်စစ်ပစ္စည်းများ၌ ကုန်အညွှန်း အမှတ်အသားပြည့်စုံမှု ရှိ/မရှိ၊ ကြိုတင်သတိပေးချက်ဖော်ပြပါရှိခြင်း ရှိ/မရှိ၊ အရည်အသွေးပိုင်းဆိုင်ရာ စံချိန်စံညွှန်းပြည့်မီမှု ရှိ/မရှိ၊ စားသုံးသူများအတွက် ဘေးအန္တရာယ် ဖြစ်စေနိုင်ခြင်း ရှိ/မရှိနှင့် ထုန်ကုန်ဘေးကင်းလုံခြုံမှု ရှိ/မရှိ တို့အား စစ်ဆေးခဲ့ရာ စံချိန်စံညွှန်းပြည့်မီပြီး ထုန်ကုန်ဘေးကင်းလုံခြုံမှုရှိသည်ကို စစ်ဆေး တွေ့ရှိရကြောင်း သိရှိရပါသည်။
DOCA (မွန်)