မန္တလေးတိုင်းဒေသကြီး၊ မန္တလေးမြို့၊ ချမ်းမြသာစည်မြို့နယ်၊ မြမာလာဥယျာဉ်တွင် (၇၉) ကြိမ် မြောက်ပြည်ထောင်စုနေ့ကို ဂုဏ်ပြုသောအားဖြင့် (၂၂)ကြိမ်မြောက်မြို့တော်ဝန်ဖလား ဟင်းသီးဟင်း ရွက်နှင့်သစ်သီးဝလံပန်းမန်ပြပွဲ၊ပြိုင်ပွဲအား ၁၂.၂.၂၀၂၆ မှ ၁၄.၂.၂၀၂၆ ရက်နေ့အထိ ကျင်းပခဲ့ကြောင်း သိရှိရ ပါသည်။ အဆိုပါပြပွဲနှင့်ပြိုင်ပွဲတွင် စားသုံးသူရေးရာဦးစီးဌာန၊မန္တလေးတိုင်းဒေသကြီး ဦးစီးမှူးရုံးမှ ပြခန်း(၂)ခန်း ပူးပေါင်းပါဝင်ခင်းကျင်းပြသခဲ့ကြောင်းသိရှိရပါသည်။ ၁၂.၂.၂၀၂၆ ရက်နေ့နံနက် ၈:၃၀ နာရီ အချိန် တွင် မန္တလေးတိုင်းဒေသကြီး အစိုးရအဖွဲ့၊ ဝန်ကြီးချုပ်ဦးမျိုးအောင်နှင့်အဖွဲ့မှ စားသုံး သူရေးရာဦးစီးဌာန ပြခန်းအတွင်း လှည့်လည်ကြည့်ရှုခဲ့ရာ တိုင်းဒေသကြီးဦးစီးမှူး ဦးဇေယျာဆွေမှဌာနနှင့်ပတ်သက် သည်များ ရှင်းလင်းတင်ပြခဲ့ကြောင်း သိရှိရပါသည်။ ပြခန်းအတွင်းလာရောက် ကြည့်ရှုသူများအား မြန်မာဆန်စပါးအွန်လိုင်း (My RO ) တွင် သိုလှောင်ရုံမှတ်ပုံတင်ခြင်းနှင့်ပတ်သက်သည်များ၊ e-Commerce Online Sales Registration အကြောင်း သိကောင်းစရာများ၊ စားသုံးသူနစ်နာဆုံးရှုံးမှုနှင့်ပတ်သက် ၍ ၁၅၃၅ Call Center တွင်တိုင်ကြားနိုင်သည့်နည်းလမ်းများ၊ ကုန်စည် လုံခြုံစိတ်ချရမှုအစ ကုန်အ ညွှန်းအမှတ်အသားက လက်ကမ်းစာစောင်များဖြန့်ဝေ၍ အသိပညာပေးခြင်းလုပ်ငန်းများဆောင် ရွက်ခဲ့ကြောင်း သိရှိရပါသည်။ စားသုံးသူရေးရာဦးစီးဌာနပြခန်းအတွင်း မန္တလေး တိုင်းဒေသကြီးအတွင်း ထုတ်လုပ်သည့် MSME ထုတ်ကုန်နမူနာပစ္စည်းများ၊ ဆန်၊ စပါးနမူနာများ၊ ပြည်ပသို့တင်ပို့သည့် ပဲမျိုးစုံနမူနာများ ခင်းကျင်းပြသခဲ့ပြီး နေ့စဉ်လာရောက်ကြည့်ရှုသူ(၈၀၀)ဦးခန့် ဝင်ရောက်ကြည့်ရှုခဲ့ကြောင်း သိရှိရပါသည်။
DOCA(မန္တလေး)