စားသုံးသူရေးရာဦးစီးဌာနအနေဖြင့် ပြည်တွင်းကုန်သွယ်မှုလုပ်ငန်းများဖွံ့ဖြိုးတိုးတက်ရေးနှင့် စားသုံးသူကာကွယ်ရေးဆိုင်ရာ လုပ်ငန်းများကို ဦးစားပေးဆောင်ရွက်လျက်ရှိပြီး အများပြည်သူ သိသင့်သိထိုက်သည့် ဥပဒေပါအကြောင်းအရာများ၊ ညွှန်ကြားချက်များ၊ အမိန့်များအား နည်းလမ်းပေါင်းစုံဖြင့် အသိပညာပေးဆောင်ရွက်လျက်ရှိရာ မြင်းခြံခရိုင် စားသုံးသူရေးရာဦးစီးဌာန နှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ (၁၀.၂.၂၀၂၆)ရက်နေ့ နံနက် (၁၀:၀၀) နာရီတွင် စစ်ဆေးရေးအရာရှိ၏ လုပ်ငန်းတာဝန်များအကြောင်း အသိပညာပေး Talk Show အစီအစဉ်အား ဆောင်ရွက်ခဲ့ပါသည်။
အဆိုပါ Talk Show အား ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာရုံးရှိ လူထုအခြေပြုဗဟိုဌာန(Community Center) ခန်းမ၌ ကျင်းပပြုလုပ်ရာ စားသုံးသူရေးရာဦးစီးဌာန၊ ဒေါ်သင်းသင်းဆွေ(ဒု-ဦးစီးမှူး)က စားသုံးသူကာကွယ်ရေးဥပဒေ၌ ပြဌာန်းထာသည့် စစ်ဆေး ရေးအရာရှိ၏ အဓိပ္ပာယ်ဆိုသည်မှာ စားသုံးသူရေးရာဦးစီးဌာနက စစ်ဆေးရေးမှူးအဖြစ် တာဝန်ပေး အပ်ခြင်းခံရသူကို ဆိုလိုတာဖြစ်ကြောင်း၊ အခန်း(၆) ပါ စစ်ဆေးရေးအရာရှိ၏ လုပ်ငန်းတာဝန် (၁၁)ချက်ဖြစ်သော ပြည်တွင်း၌ ထုတ်လုပ်သောကုန်စည်များ၊ ပြည်ပမှ တင်သွင်းသော ကုန်စည် များကို ဈေးကွက်မရောက်မီ(သို့) ဈေးကွက်ရောက်ပြီး ကုန်စည်များ ဘေးအန္တရာယ် ရှိ/မရှိ စောင့်ကြည့်စစ်ဆေးခြင်း၊ ကုန်အညွှန်းအမှတ်အသားတွင် ဖော်ပြရမည့် အချက်များ ပါဝင်မှု ရှိ/မရှိ စောင့်ကြည့်စစ်ဆေးခြင်း၊ကုန်စည်(သို့) ဝန်ဆောင်မှုနှင့် စပ်လျဉ်း၍ စားသုံးရန်(သို့) အသုံးပြုရန် သင့်/ မသင့်နှင့် ဘေးအန္တရာယ် ရှိ/မရှိ စောင့်ကြည့်စစ်ဆေးရမှာ ဖြစ်ကြောင်း၊ လက်ရှိအချိန်ထိ တစ်နိုင်ငံလုံးအတိုင်းအတာဖြင့် စစ်ဆေးရေးအရာရှိ (၅၆၆)ဦး ခန့်အပ်တာဝန်ပေးထားကြောင်း စသည့်ဖြင့် အကျယ်တဝင့် ရှင်းလင်းဆွေးနွေးခဲ့ကြောင်း သိရသည်။
DOCA(မန္တလေး)