မိတ္ထီလာမြို့ကြက်သွန်နီဈေးကွက်တွင် ဇန်နဝါရီလကုန်ပိုင်းမှစ၍ ကြက်သွန်နီလက်ကားဈေး ပြန်လည်ကျဆင်းကြောင်းသိရသည်။ ယခင်နှစ် ကြက်သွန်နီလက်ကျန်မရှိသလောက်နည်းလာခြင်း၊ ပြည်တွင်းဝယ်လက်ပုံမှန်ရှိသည့်အပြင် ပြည်ပဝယ်လိုအားရှိလာခြင်းတို့ကြောင့် ဒီဇင်ဘာလမှစ၍ ဈေးကောင်းလာခြင်းဖြစ်ကြောင်းသိရသည်။ ဇန်နဝါရီလကုန်ပိုင်းတွင် ဒေသစုံမှ မိုးကြက်သွန်နီ အသစ်များ ထွက်ရှိမှုလှိုင်ကာ ရန်ကုန်ဈေးကွက်သို့ အဝင်များခြင်းကြောင့်ဈေးအနည်းငယ် ပြန်အေးလာပါသည်။ ဇန်နဝါရီလလယ်တွင် တစ်ပိဿာလက်ကားဈေး (၂၈၀၀-၂၉၀၀)ကျပ် ၊ ဇန်နဝါရီလ တတိယပတ်၌ (၁၆၀၀-၂၁၀၀)ကျပ်သို့ ကျဆင်းလာကာ ယခုဖေဖော်ဝါရီလဆန်းတွင် (၁၅၀၀/)ကျပ် သို့ထပ်မံကျဆင်း ကြောင်းသိရသည်။ ဒေသစုံမှ ရန်ကုန်ဈေးကွက်သို့ အဝင်လှိုင်သည့်အပြင် တရုတ်နှစ်ကူးကာလနီးလာသည့်အတွက် တင်ပို့မှုနည်းလာကြောင်း ကြက်သွန်နီကုန်သည်များထံမှသိ ရသည်။
DOCA(မန္တလေး)