ပါကစ္စတန်နိုင်ငံ၏ ကုန်သွယ်ရေးလိုငွေသည် ၂၀၂၆ဘဏ္ဍာနှစ် ဇူလိုင်လမှ ဇန်နဝါရီလ အတွင်းတွင် အမေရိကန်ဒေါ်လာ ၂၂.၀၄ ဘီလီယံအထိ ရှိလာပြီး ယခင်နှစ် အလားတူကာလနှင့် နှိုင်းယှဉ်ပါက ၂၈.၂၂ ရာခိုင်နှုန်းခန့် သိသိသာသာ မြင့်တက်လာကြောင်း ဖေဖော်ဝါရီလ ၂ ရက်နေ့ တွင် ပါကစ္စတန် စာရင်းအင်းဗျူရို (PBS) မှထုတ်ပြန်သော အချက်အလက်များအရ သိရပါသည်။
ပြီးခဲ့သည့် ၂၀၂၅ဘဏ္ဍာနှစ် ဇူလိုင်လမှ ဇန်နဝါရီလကာလအတွင်းတွင် ပို့ကုန်နှင့် သွင်းကုန်ကြား ကွာဟချက်ဖြစ်သော ကုန်သွယ်ရေးလိုငွေမှာ အမေရိကန်ဒေါ်လာ ၁၇.၁၉ ဘီလီယံ ရှိခဲ့ပါသည်။ ယခုနှစ်တွင် ကုန်သွယ်ရေးလိုငွေ ပိုမိုကျယ်ပြန့်လာရခြင်းမှာ သွင်းကုန် ပမာဏ မြင့်တက်လာခြင်းနှင့် ပို့ကုန်ပမာဏ လျော့နည်းသွားခြင်းတို့ကြောင့် ဖြစ်ကြောင်း သိရပါ သည်။
ယခုဘဏ္ဍာနှစ် ဇူလိုင်လမှ ဇန်နဝါရီလအတွင်း ပို့ကုန်တင်ပို့မှုမှာ ဒေါ်လာ ၁၈.၂၀ ဘီလီယံ ရှိခဲ့ပြီး ၎င်းသည် ယခင်နှစ် အလားတူကာလတွင် ရှိခဲ့သည့် ၁၉. ၅၈ ဘီလီယံနှင့် နှိုင်းယှဉ်ပါက ၇.၁ ရာခိုင်နှုန်း ကျဆင်းသွားကြောင်း သိရပါသည်။ သွင်းကုန်တင်သွင်းမှုမှာမူ ၉.၄၂ ရာခိုင်နှုန်း မြင့်တက်ခဲ့ပြီး ယခင်နှစ်က ၃၆.၇၇ ဘီလီယံ ရှိခဲ့ရာမှ ယခုနှစ်တွင် ၄၀.၂၃ ဘီလီယံအထိ ရှိလာခဲ့ ကြောင်း သိရပါသည်။
၂၀၂၆ ခုနှစ် ဇန်နဝါရီလအတွင်း ပါကစ္စတန်၏ ပို့ကုန်တင်ပို့မှုမှာ ဒေါ်လာ ၃.၀၆ ဘီလီယံ ရှိခဲ့သဖြင့် ၂၀၂၅ ခုနှစ် ဇန်နဝါရီလကထက် ၃.၇၃ ရာခိုင်နှုန်း မြင့်တက်လာကြောင်း သိရပါသည်။ အဆိုပါကာလအတွင်း သွင်းကုန်တင်သွင်းမှုမှာ ဒေါ်လာ ၅.၇၉ ဘီလီယံ ရှိခဲ့ပြီး ယခင်နှစ် အလားတူကာလကထက် ၁.၄၁ ရာခိုင်နှုန်း အနည်းငယ် လျော့ကျသွားခဲ့ကြောင်း သိရပါသည်။
သို့ဖြစ်၍ ပါကစ္စတနိုင်ငံ၏ ၂၀၂၆ ခုနှစ် ဇန်နဝါရီလအတွင်း ကုန်သွယ်ရေးလိုငွေမှာ ဒေါ်လာ ၂.၇၂ ဘီလီယံ ရှိခဲ့ပြီး ၂၀၂၅ ခုနှစ် ဇန်နဝါရီလကထက် ၆.၆၁ ရာခိုင်နှုန်း လျော့နည်း သွားကြောင်း သိရပါသည်။ ထို့အပြင် တစ်လချင်းအလိုက် နှိုင်းယှဉ်ပါက ၂၀၂၅ ခုနှစ် ဒီဇင်ဘာလ တွင် ကုန်သွယ်ရေးလိုငွေ ၃.၈၁ ဘီလီယံ ရှိခဲ့ရာမှ ဇန်နဝါရီလတွင် ၂၈.၅၃ ရာခိုင်နှုန်း အထိ သိသိ သာသာ ပြန်လည်ကျဆင်းသွားခြင်းဖြစ်ကြောင်း သိရပါသည်။
DOCA (ရန်ကုန်)