“ မိတ္ထီလာမြို့နယ်အတွင်းရှိ ကားတာယာအရောင်းဆိုင် လုပ်ငန်းရှင်နှင့်တွေ့ဆုံဆွေးနွေး”

       စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ခရိုင်ဦးစီးမှူး ဦးဇော်မင်းသည် ၂၀၂၆ ခုနှစ်၊ ဇန်နဝါရီလ ၂၁  ရက်နေ့တွင် မိတ္ထီလာမြို့နယ်အတွင်းရှိ ကားတာယာအရောင်းဆိုင် (၁၀) ဆိုင်၏ လုပ်ငန်းရှင်များနှင့် ခရိုင်ဦးစီးရုံးတွင် တွေ့ဆုံဆွေးနွေးခဲ့ပါသည်။

          ခရိုင်ဦးစီးမှူးမှ ဌာနအနေဖြင့် စားသုံးသူကာကွယ်ရေးလုပ်ငန်းများနှင့် ပြည်တွင်းကုန်သွယ်မှု လုပ်ငန်းများကို စားသုံးသူကာကွယ်ရေးဥပဒေ၊ အရေးကြီးကုန်စည်နှင့်ဝန်ဆောင်မှုဥပဒေ  (၂) ခုနှင့် ထိန်းကျောင်းဆောင်ရွက်လျက်ရှိကြောင်း၊ ပြည်တွင်းကုန်သွယ်မှုအနေဖြင့် ပြည်တွင်း/ ပြည်ပနှင့် ဒေသတွင်းထွက်ရှိသော ကုန်စည်များ၏ ဈေးနှုန်းအခြေအနေများကို စာရင်းကောက်ယူတင်ပြလျက်ရှိကြောင်း၊ ယခု ကားတာယာကိစ္စနှင့်စပ်လျဉ်း၍ ဈေးကွက်အတွင်း ကားတာယာ ဈေးနှုန်းများမြင့်တက်လာခြင်းအပေါ် မိတ္ထီလာမြို့ပေါ်ရှိကား တာယာလက်လီအရောင်းဆိုင်များအနေဖြင့် ဝယ်ယူရရှိသည့်အခြေအနေနှင့် ဝယ်ယူရသည့် အခက်အခဲရှိသည့်အချက်များအား ပူးပေါင်းညှိနှိုင်းဆောင်ရွက်ရန်နှင့်ဈေးနှုန်းအခြေအနေများအား ပေးပို့တင်ပြရန်ဆွေးနွေးခဲ့ကြောင်း သိရှိရပါသည်။

DOCA(မန္တလေး)