ကြက်မောက်ပင်သည် Sapindaceae မိသားစုဝင် အလတ်စားအပူပိုင်းသစ်ပင်ဖြစ်ပြီး မြန်မာဘာသာဖြင့်ကြက်မောက်ပင်ခေါ်ဆိုပါသည်။အရှေ့တောင်အာရှဒေသမျိုးရင်းဝင်အပင် တစ်မျိုး ဖြစ်ပြီး ပေ ၈၀ (၂၇ မီတာ) အမြင့်ရှိပြီး အပူပိုင်းဒေသတွေမှာ ပေါက်ရောက်တဲ့ အပင် ရဲ့ အသီး ဖြစ်ပါသည်။ အရသာရှိတဲ့ ကြက်မောက်သီးမှာ ကာဗိုဟိုက်ဒရီတ်၊ အမျှင်ဓာတ်၊ အဆီဓာတ်၊ ပရိုတင်း၊ Thiamine( ဗီတာမင် B1) ၊ Riboflavin ( ဗီတာမင် B2)၊ Niacin ( ဗီတာမင် B3)၊( ဗီတာမင် B6)၊ ဗီတာမင် C၊ သံဓာတ်၊ မဂ္ဂနီဆီယမ်၊ မဂ္ဂနိစ်၊ ဖော့စဖရပ်၊ ပိုတက်ဆီယမ်၊ ကယ်ဆီယမ်၊ ဇင့် စတဲ့အာဟာရဓာတ်တွေပါဝင်တာကြောင့် ကြက်မောက်သီး ကို စားသုံးခြင်းအားဖြင့် ကိုယ်ခံအား ကောင်းစေခြင်း၊ နှလုံးကျန်မာခြင်း၊ ကြွက်တက်တာ သက်သာစေခြင်း၊ ဝမ်းချုပ်တာသက်သာစေခြင်း၊ အရိုးတွေသန်မာစေခြင်း၊ ဆီးလမ်းကြောင်း ပိုးဝင်တာ(UTI) ကို သက်သာစေခြင်း၊ သွေးအားနည်း ရောဂါမဖြစ်အောင် ကာကွယ်ပေးခြင်းစသည့် ကျန်းမားရေးဆိုင်ရာ အကျိုးကျေးဇူးများကိုလည်း ရရှိ ပါတယ်။
ကချင်ပြည်နယ်၊မြစ်ကြီးနားမြို့နယ်တွင်ကြက်မောက်ပင်ကိုဥယျာဉ်ခြံမြေများတွင်လည်းကောင်း၊ တစ်နိုင်တစ်ပိုင် မိမိအိမ်ခြံဝင်းအတွင်း စိုက်ပျိုးကြပါသည်။ ကြက်မောက်သီးပေါ်ချိန်မှာ ဇွန်လ တွင်စတင်ခူးဆွတ်နိုင်ပြီးဖြစ်ပြီး၊ လှိုင်လှိုင်ပေါ်ချိန်မှာ ဩဂုတ်လ တွင်ဖြစ်ပါသည်။ ဝယ်ယူ ရောင်းချသူများ အနေဖြင့် အပင်ရှိအသီးပါဝင်မှုပေါ်မှုတည်၍ အပင်ပြတ်ဝယ်ယူရာတွင် အမြင့်ဆုံး ၃၅၀၀၀၀ိ/- ကျပ်၊ အနိမ့်ဆုံး ၂၅၀၀၀၀ိ/- ကျပ်ဖြင့် ဝယ်ယူရောင်းချကြပါသည်။ သီးနှံကုန်သည်များ အနေဖြင့် လက်လီဈေးကွက်တွင် အလုံး ၂၀ပါ တစ်တွဲလျှင် ကျပ် ၁၅၀၀ိ/- မှ ကျပ်၂၀၀၀ိ/- တို့ဖြင့် ရောင်းချလျှက်ရှိသည်။ကြက်မောက်သီးစားခြင်းအားဖြင့်ကျန်းမားရေးအတွက်လည်းအထောက်အကူ ဖြစ်သလို ဈေးနှုန်းလည်း အသင့်အတင့် အမြတ်ရရှိတာကြောင့် ဝယ်ယူရောင်းချသူများအနေဖြင့် တစ်ဖက်တစ်လမ်းမှ မိသားစုဝင်ငွေ ရရှိလျက်ရှိကြောင်း သိရှိရပါသည်။ ကြက်မောက်သီးများကို ဒေသတွင်း ဈေးများ၊ သစ်သီးဆိုင်များတွင် လက်လီရောင်းချလျက်ရှိသကဲ့သို့ မိုးညှင်း၊ မိုးကောင်း၊ ဖားကန့်မြို့များနှင့် မန္တလေးဈေးကွက်များသို့လည်း တင်ပို့ရောင်းချလျက်ရှိပါတယ်။ သို့ဖြစ်ပါ၍ ကြက်မောက်သီးသည် ကျန်းမားရေးဆိုင်ရာ အကျိုးကျေးဇူးများစွာပါဝင်သော အသီးဖြစ်သည့်အပြင် အပိုဝင်ငွေရရှိသောကြောင့် ပိုမို တိုးချဲ့ စိုက်ပျိုးသင့်ပါကြောင်း လေ့လာသုံးသပ် တင်ပြအပ်ပါသည်။
DOCA(ကချင်)