၂၀၂၅ ခုနှစ်၏ ဇန်နဝါရီလမှ နိုဝင်ဘာလအထိတွင် ဗီယက်နမ်သည် ငရုတ်ကောင်းတန်ချိန် ၂၂၅၀၀၀ တန်တင်ပို့ရာမှတစ်ဆင့် ဝင်ငွေအမေရိကန်ဒေါ်လာ ၁.၅ ဘီလီယံကျော်ရရှိခဲ့ကြောင်း သိရပါသည်။ ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက တင်ပို့သည့်ပမာဏတွင် ၄.၄ ရာခိုင်နှုန်းကျဆင်းခဲ့သော်လည်း ဝယ်လိုအားမြင့်တက်မှုနှင့် တင်ပို့သည့်ဈေးနှုန်းများမြင့်တက်မှု ကြောင့် ဝင်ငွေရရှိမှုမှာ ၂၄.၄ ရာခိုင်နှုန်းမြင့်တက်ခဲ့ကြောင်း ဗီယက်နမ်ငရုတ်ကောင်းနှင့် ဟင်းခတ်အမွှေးအကြိုင်အသင်း (VASEP) ၏အဆိုအရ သိရပါသည်။ ထို ၁၁ လတာကာလအတွင်း ငရုတ်ကောင်းအနက် ပျမ်းမျှတင်ပို့သည့်ဈေးနှုန်းမှာ တစ်တန်လျှင် အမေရိကန်ဒေါ်လာ ၆၆၁၈ နှင့် ငရုတ်ကောင်းအဖြူပျမ်းမျှတင်ပို့သည့်ဈေးနှုန်းမှာ တစ်တန်လျှင် အမေရိကန်ဒေါ်လာ ၈၆၃၆ ရှိကြောင်း သိရပါသည်။ တင်ပို့မှု ၂၈ ရာခိုင်နှုန်းကျဆင်းခဲ့သော်လည်း အမေရိကန်သည် ငရုတ် ကောင်းတန်ချိန် ၄၈၈၄၉ တန်ဖြင့် ဗီယက်နမ်၏အကြီးမားဆုံး ပို့ကုန်ဈေးကွက်ဖြစ်ကြောင်း သိရပါသည်။ ၎င်း၏နောက်တွင် ယူအေအီးက တန်ချိန် ၁၉၉၃၀၊ တရုတ်က တန်ချိန် ၁၇၇၄၄၊ အိန္ဒိယက တန်ချိန် ၁၁၇၅၀ နှင့် ဂျာမနီကတန်ချိန် ၁၀၈၇၆ ဖြင့်ရပ်တည်နေကြောင်း သိရပါသည်။ တစ်ချိန်တည်းမှာပင် ဗီယက်နမ်သည် ထို ၁၁ လတာကာလတွင် ပြန်လည်တင်ပို့ရန်နှင့် ပြုပြင်ထုတ်လုပ်ရန်အတွက် အမေရိကန်ဒေါ်လာ ၂၅၂ သန်းတန်ဖိုးရှိသောငရုတ်ကောင်းတန်ချိန် ၄၀၂၄၂ တင်သွင်း ခဲ့ပြီး ၂၀၂၄ ခုနှစ်တူညီသည့် ကာလနှင့် နှိုင်းယှဉ်ပါက ပမာဏတွင် ၂၂ ရာခိုင်နှုန်းနှင့် တန်ဖိုးတွင် ၆၂.၃ ရာခိုင်နှုန်းမြင့်တက်ခဲ့ကြောင်း သိရပါသည်။ ဘရာဇီးသည် တန်ချိန် ၁၈၉၅၆ ဖြင့်အကြီးမား ဆုံးရောင်းချသူဖြစ်ပြီး ၎င်း၏နောက်တွင် ကမ္ဘောဒီးယားက တန်ချိန် ၁၁၂၁၁ နှင့် အင်ဒိုနီးရှားက တန်ချိန် ၇၁၅၆ ဖြင့် အသီးသီးရပ်တည်နေကြောင်း သိရှိရပါသည်။
Vietnam Plus
DOCA (ရန်ကုန်)