တရုတ်နိုင်ငံရင်းနှီးမြှုပ်နှံသူများသည် ဘင်္ဂလားဒေ့ရှ်နိုင်ငံ၏ အစိမ်းရောင်နည်းပညာ၊ ဂုန် လျှော်၊ အထည်အလိပ်နှင့် ဆေးဝါးကဏ္ဍများတွင် ထုတ်လုပ်ရေးပြောင်းလဲမှု တစ်စိတ်တစ်ပိုင်းအဖြစ် ရင်းနှီးမြှုပ်နှံလိုကြောင်း တရုတ်နိုင်ငံပို့ကုန်နှင့်သွင်းကုန်ဘဏ်မှ ဒုတိယဥက္ကဌဆိုသူ Yang Dongning က ပြောကြားခဲ့ပါသည်။ တရုတ်နိုင်ငံသည် ဘင်္ဂလားဒေ့ရှ်နိုင်ငံ၏ အကြီးစား အဆောက်အဦစီမံကိန်းများတွင် ရေရှည်ရင်းနှီးမြှုပ်နှံမှုအကြီးစားပြုလုပ်လျက်ရှိသော်လည်း ယခုအခါတွင် အဓိကထုတ်လုပ်ရေးကဏ္ဍများတွင် အားစိုက်မှုမြှင့်တင်နေကြောင်း Dongning က ဒါကာမြို့တွင် CA Yunus နှင့်အစည်းအဝေးပြုလုပ်စဉ်တွင် ပြောကြားခဲ့ကြောင်း သိရပါသည်။ အဆိုပါ မြှင့်တင်ခြင်းတွင် ခေါင်မိုးဆိုလာပြားများနှင့် ဘင်္ဂလားဒေ့ရှ်နိုင်ငံ၏ “ရွှေဖိုက်ဘာ” ဂုန်လျှော်အကြီးတမ်း ရင်းနှီးမြှုပ်နှံမှုများ အထူးသဖြင့် စွမ်းအင်၊ ဇီဝမြေဩဇာ ထုတ်လုပ်မှုများ ပါဝင်ကြောင်း Dongning က ပြောကြားခဲ့ပါသည်။ ထို့အပြင် ၎င်းက တရုတ်နိုင်ငံလုပ်ငန်းရှင်များနှင့် Exim Bank သည် ယခင်က ဘင်္ဂလားဒေ့ရှ်နိုင်ငံ ကနဦးအကြီးစားအဆောက်အဦများတွင် ရန်ပုံငွေများပြုလုပ်ခဲ့ကြောင်း ထပ်ပေါင်းပြောကြားခဲ့ပါသည်။ ဘင်္ဂလားဒေ့ရှ်နိုင်ငံ၏ ရိုးရာ ဂုန်လျှော်လုပ်ငန်းသည် ဘင်္ဂလားဒေ့ရှ်နိုင်ငံပြိုင်ဘက်များနှင့် စွန့်ဦးလုပ်ငန်းများတည်ထောင်ရန် ရှာဖွေနေသော တရုတ်နိုင်ငံများ အတွက် အဓိကနေရာဖြစ်ကြောင်း သိရပါသည်။ တရုတ်နိုင်ငံ ကုမ္ပဏီများသည် အစိမ်းရောင်စွမ်းအင်၊ မြေဩဇာနှင့် ပလက်စတစ်အစားထိုးများထုတ်လုပ်နိုင်ရန် အတွက် ဂုန်လျှော် ၁ သန်းတန်ခန့်အသုံးပြုရန် ပြင်ဆင်နေကြောင်း နိုင်ငံပိုင် ဘဏ္ဍာရေးနှင့် ရေရှည်တည်တံ့ရေးအဖွဲ့အစည်း၏ ဥက္ကဌဖြစ်သူ Ma Jun က ပြောကြားခဲ့ပါသည်။ အကြံပေးခေါင်းဆောင် Yunus က ဘင်္ဂလားဒေ့ရှ်နိုင်ငံထုတ်လုပ်ရေးကဏ္ဍတွင် တရုတ်နိုင်ငံ၏ စိတ်ဝင်စားမှုကို ကြိုဆိုလျက်ရှိကြောင်းနှင့် ကမ္ဘာ့ဒုတိယအကြီးဆုံးစီးပွားရေးနိုင်ငံမှ ရင်းနှီးမြှုပ်နှံသူများသည် တရုတ်နိုင်ငံအပါအဝင်ဖွံ့ဖြိုးပြီးနိုင်ငံများသို့ ကုန်ပစ္စည်းတင်ပို့ရေးအတွက် ဘင်္ဂလားဒေ့ရှ်နိုင်ငံအား ထုတ်လုပ်မှုအချက်အချာအဖြစ်ပြောင်းလဲရာတွင် အထောက်အပံ့ပေးနိုင် ကြောင်း မှတ်ချက်ပြုခဲ့ပါသည်။ ထို့အပြင် ၎င်းက ကမ္ဘာ့အကြီးဆုံးဆိုလာစွမ်းအင် ထုတ်လုပ်သည့်နိုင်ငံဖြစ်သော တရုတ်နိုင်ငံသည် ဆိုလာပြားနှင့် ခေါင်မိုးဆိုလာစနစ်များတွင် ရင်းနှီးမြှုပ်နှံခြင်းဖြင့် အစိမ်းရောင်စွမ်းအင် ထုတ်လုပ်နိုင်ရန် ဘင်္ဂလားဒေ့ရှ်နိုင်ငံ၏ ကူးပြောင်းခြင်းကို အထောက်အပံ့ပေးရာတွင် အရေးပါသော အခန်းကဏ္ဍမှပါဝင်ကြောင်း မှတ်ချက်ပြုခဲ့ပါသည်။ Dongning က တရုတ်နိုင်ငံ ကုမ္ပဏီများသည် AI နှင့် e-commerce တွင်လည်း ရင်းနှီးမြှုပ်နှံရန်စီစဉ်နေကြောင်း ပြောကြားခဲ့ပါသည်။ Yunus က တရုတ်နိုင်ငံအဆောက်အဦကုမ္ပဏီများအား ဒေသတွင်းချိတ်ဆက်မှုတစ်လျောက် နေရာပြောင်းရွေ့တည်ဆောက်ထားသော ထုတ်လုပ်ရေးစက်ရုံများမှ ထုတ်လုပ်မှုများ အဆင်ပြေစေရန်အတွက် တရုတ်နိုင်ငံတောင်ပိုင်းနှင့် ဘင်္ဂလားဒေ့ရှ်နိုင်ငံအားချိတ်ဆက်နိုင်ရန် မီးရထားလမ်းများတည်ဆောက်ရန် တိုက်တွန်းလျက်ရှိကြောင်း သိရှိရပါသည်။
Source: The Business Standard
DOCA (ရန်ကုန်)