ကမ္ဘောဒီးယားနိုင်ငံနှင့် ဥရောပသမဂ္ဂ (EU) တို့သည် ၂၅-၁၁-၂၀၂၅ ရက်နေ့၌ ကမ္ဘောဒီးယားsနိုင်ငံသည် ၎င်း၏စီးပွားရေးပတ်ဝန်းကျင်၏ ယှဉ်ပြိုင်နိုင်စွမ်းနှင့် ဆွဲဆောင်မှုကို မြှင့်တင်ရန်ကြိုးပမ်းမှုများကို အရှိန်အဟုန်မြှင့်တင်နေစဉ်တွင် နှစ်နိုင်ငံကုန်သွယ်ရေး ပူးပေါင်းဆောင်ရွက်မှုကို နက်ရှိုင်းစေရန် ကတိကဝတ်ပြုခဲ့ကြသည်။ ကမ္ဘောဒီးယားနိုင်ငံ၊ စီးပွားရေးနှင့်ကူးသန်းရောင်းဝယ်ရေးဝန်ကြီး Cham Nimul သည် ကမ္ဘောဒီးယားနိုင်ငံဆိုင်ရာ ဥရောပသမဂ္ဂသံအမတ်ကြီး Igor Driesmans၊ EU ကိုယ်စားလှယ်အဖွဲ့၏ စီးပွားရေးနှင့် ကုန်သွယ်ရေးဌာန အကြီးအကဲ Renita Bhaskar တို့နှင့်အတူ တွေ့ဆုံဆွေးနွေးမှုများပြုလုပ်ခဲ့ပြီး ပူးတွဲကုန်သွယ်ရေးအစီအစဉ်များကို တိုးချဲ့ခြင်းနှင့် ကမ္ဘောဒီးယားနှင့် EU အကြား အလုံးစုံမိတ်ဖက်ဆက်ဆံရေးကို အားကောင်းစေရန် အဓိကထား ပြောကြားခဲ့သည်။ ဝန်ကြီး Nimul သည် ကမ္ဘောဒီးယား၏ စီးပွားရေးပတ်ဝန်းကျင်ကို သိသိသာသာတိုးတက်စေရန် အစိုးရ၏ လက်ရှိကြိုးပမ်းအားထုတ်မှုများနှင့် ဖွံ့ဖြိုးမှုအနည်းဆုံးနိုင်ငံများ (LDCs) မှ အဆက်မြင့်တက်လာစေရန် ကြိုးပမ်းမှုများကို ထပ်လောင်းပြောကြားခဲ့သည်။ သံအမတ်ကြီး Driesmans က EU နှင့် ကမ္ဘောဒီးယားနိုင်ငံတို့အကြား ခိုင်မာပြီး နီးကပ်သောပူးပေါင်းဆောင်ရွက်မှုကို ချီးကျူးဂုဏ်ပြုကြောင်း၊ EU သည် ၎င်း၏ ပူးတွဲလုပ်ငန်းအစီအစဉ်ကို မြှင့်တင်ရန်နှင့် အဓိကကုန်သွယ်ရေး ကဏ္ဍများတွင် ထိတွေ့ဆက်ဆံမှုကို နက်ရှိုင်းစေရန် အသင့်ရှိနေကြောင်း ပြောကြားခဲ့သည်။ သံအမတ်ကြီးက နှစ်နိုင်ငံပူးပေါင်းဆောင်ရွက်မှုသည် ထိရောက်ပြီး အပြန်အလှန်အကျိုးရှိစေရန်အတွက် ရေရှည်တည်တံ့ပြီး အကျိုးရှိသော ဆွေးနွေးမှုများ၏ အရေးပါမှုကိုလည်း ထပ်လောင်းအလေးပေးပြောကြားခဲ့ကြောင်း သိရှိရပါသည်။
Source: Khmer Times
DOCA(ရန်ကုန်)