ဂြိုဟ်တုဆက်သွယ်ရေးစျေးကွက်၌ ထောက်ပံ့မှုအမျိုးမျိုးပေးနိုင်ရန်နှင့် စီးပွားဖြစ်အာကာသ လုပ်ငန်းနှင့် ဝေဟင်နိမ့်ပျံစီးပွားရေးကဲ့သို့ ထွန်းသစ်စစီးပွားရေးလုပ်ငန်းများ ဖွံ့ဖြိုးတိုးတက်မှု အထောက်အပံ့ပေးနိုင်ရန်နှင့် လုံခြုံစိတ်ချရပြီး ကြံ့ခိုင်သည့်ထောက်ပံ့မှုပေးနိုင်ရန် တရုတ်နိုင်ငံက Internet of Things (IoT) ဝန်ဆောင်မှု ဂြိုဟ်တု စီးပွားဖြစ် စမ်းသပ်လုပ်ဆောင်မှု စတင်လိုက်ကြောင်း သိပ္ပံနှင့်နည်းပညာနေ့စဉ်သတင်းစာက နိုဝင်ဘာ ၂၃ ရက်၌ သတင်းဖော်ပြခဲ့သည်။
တရုတ်နိုင်ငံ အလယ်ပိုင်း ဟူပေပြည်နယ် ဝူဟန့်မြို့တွင် ကျင်းပသည့် ၂၀၂၅ တရုတ်နိုင်ငံ 5G + စက်မှုလုပ်ငန်းသုံး အင်တာနက်ကွန်ဖရင့်အရ စီးပွားဖြစ်စမ်းသပ်လုပ်ဆောင်မှုသည် နှစ်နှစ်ကြာမြင့် လိမ့်မည်ဖြစ်ပြီး ဥပဒေစည်းမျဉ်းများနှင့် ကိုက်ညီသော IoT ဝန်ဆောင်မှုများ ဂြိုဟ်တု ပံ့ပိုးပေးရန် အရည်အချင်းပြည့်မီသောစီးပွားရေးလုပ်ငန်းများကိုထောက်ပံ့မည်ဖြစ်ကြောင်းသိရသည်။ စမ်းသပ်လုပ် ဆောင်မှုသည် ဂြိုဟ်တုဆက်သွယ်ရေးစျေးကွက်တွင် ထောက်ပံ့မှုအမျိုးမျိုးရရှိစေရန်၊ စျေးကွက် အတွင်းပါဝင်သည့် အဖွဲ့အစည်းများ၏အသက်ဝင်မှု လှုံ့ဆော်နိုင်ရန်၊ စက်မှုလုပ်ငန်း ဝန်ဆောင်မှု စွမ်းရည်ကို မြှင့်တင်နိုင်ရန်၊ လုံခြုံရေးထိန်းညှိသည့်စနစ်တစ်ခု တည်ထောင်ရန်နှင့်တုပနိုင်သော၊ တိုးချဲ့နိုင်သော အတွေ့အကြုံများနှင့်ပုံစံများ ဖွံ့ဖြိုးတိုးတက်စေရန် ရည်ရွယ်ကြောင်းသိရသည်။
IoT ဂြိုဟ်တုသည် မြေပြင်၊ သမုဒ္ဒရာများနှင့် လေထုအတွင်းရှိ ကြီးမားသောစက်ပစ္စည်းများ နှင့်ချိတ်ဆက်ရန်၊ အချက်အလက်များစုဆောင်းခြင်း၊ လွှဲပြောင်းခြင်း ဝန်ဆောင်မှုများအတွက် ဂြိုဟ်တုဆက်သွယ်ရေးနည်းပညာကို အကျိုးရှိစွာ အသုံးချလျက်ရှိသည်။ ၎င်း၏အသုံးပြုနိုင်သည့် အခင်းအကျင်းများအနေဖြင့် ပင်လယ်ပြင်ငါးဖမ်းလုပ်ငန်းများ၊ သယ်ယူပို့ဆောင်ရေး နှင့်ကုန်ပစ္စည်း ပို့ဆောင်ရေး၊ စွမ်းအင်နှင့်ရေအရင်းအမြစ်များ၊ အရေးပေါ်ဆက်သွယ်ရေးလုပ်ငန်းများ၊ ဝေဟင် နိမ့်ပျံ စီးပွားရေးနှင့်စက်မှုလုပ်ငန်းသုံးအင်တာနက်တို့ကိုလွှမ်းခြုံနိုင်ကြောင်းသိရသည်။အခြေခံအဆောက် အအုံသစ်များ၌ အရေးကြီးသည့် အစိတ်အပိုင်းတစ်ခုအဖြစ် ကြယ်စုတန်းများ ဖွဲ့စည်းတည်ဆောက် ခြင်း၊ နည်းပညာထိုးဖောက်အောင်မြင်ခြင်းနှင့် စက်မှုလုပ်ငန်းဖွံ့ဖြိုးတိုးတက်မှုများတွင် အရေးပါ သည့် တိုးတက်မှုများဖြင့် ယခုနှစ်တွင် တရုတ်နိုင်ငံ၌ ဂြိုလ်တုဆက်သွယ်ရေးဖွံ့ဖြိုးမှု အရှိန် အဟုန်မြှင့်တိုးတက်ခဲ့ကြောင်းသိရသည်။ ၂၀၂၅ ခုနှစ် သြဂုတ် တွင် တရုတ်နိုင်ငံစက်မှု နှင့်သတင်း အချက်အလက်နည်းပညာဝန်ကြီးဌာနကဂြိုလ်တုဆက်သွယ်ရေးလုပ်ငန်းဖွံ့ဖြိုးတိုးတက်မှုကိုမြှင့်တင်ရန် စျေးကွက်ဝင်ရောက်ခွင့် အကောင်းဆုံး အဆင့်မြှင့်ခြင်းဆိုင်ရာ လမ်းညွှန်ချက်တစ်ခု ထုတ် ပြန်ခဲ့သည်။ အဆိုပါလမ်းညွှန်ချက်တွင် ဂြိုလ်တုဆက်သွယ်ရေးဝန်ဆောင်မှုများ ဖွင့်လှစ်ပေးရန် စုံလင်သောစီမံဆောင်ရွက်ချက်နှင့် စနစ်ကျသောချဥ်းကပ်မှုတို့ကို အနှစ်ချုပ်ဖော်ပြခဲ့သည်။
Source: ဆင်ဟွာ
DOCA(ပြည်ထောင်စုနယ်မြေ)