အီရန်နိုင်ငံသံအမတ် Alireza Bikdeli သည် Afghanistan နိုင်ငံ၏ သတ္ထုနှင့်ရေနံ ဝန်ကြီး Hedayatullah Badri နှင့်တွေ့ဆုံဆွေးနွေးပွဲတွင် Afghanistan နိုင်ငံ၏ သတ္ထုတူးဖော်ရေး ကဏ္ဍတွင် ရင်းနှီးမြှုပ်နှံလိုကြောင်း ပြောကြားခဲ့ပါသည်။ သတ္ထုနှင့်ရေနံဝန်ကြီးဌာန၏ ထုတ်ပြန် ချက်များအရ အီရန်နိုင်ငံကုန်သွယ်ရေးကုန်သည်ကြီးများအသင်းကိုယ်စားလှယ်အဖွဲ့သည် ကြေးနီ၊ ရွှေနှင့် သံစီမံကိန်းများအတွက် ရင်းနှီးမြှုပ်နှံမှုများပြုလုပ်ရန် ဆန္ဒရှိကြောင်း သိရပါသည်။ Badri က ပြည်တွင်းနှင့် နိုင်ငံခြားရင်းနှီးမြှုပ်နှံသူများနှင့် ကမ္ဘာ့စတော့ရှယ်ယာ ကိုင်ဆောင်သူ များကို ကြိုဆိုရန်အတွက် အဆင်သင့်ဖြစ်နေပြီဖြစ်ကြောင်း အထူးအလေးပေး ပြောကြားခဲ့ပါသည်။ ၎င်းက သတ္ထုတူးဖော်ရေးနှင့် ထုတ်လုပ်သန့်စင်ရေးလုပ်ငန်းများကို ပြည်တွင်းစည်းမျဥ်း များသတ်မှတ်ချက်များနှင့်အညီ လုပ်ဆောင်သွားမည်ဖြစ်ကြောင်း ထပ်ပေါင်းပြောကြားခဲ့ပါသည်။ အဆိုပါ ခေါင်းဆောင် ၂ ဦးတွေ့ဆုံပွဲသည် Afghanistan နိုင်ငံ၏ သတ္ထုတူးဖော်ရေး ကဏ္ဍဖွံ့ဖြိုးတိုးတက် ရေးအတွက် ခြေလှမ်းဖြစ်ပြီး Kabul နှင့် Tehran ကြား စီးပွားရေးဆက်ဆံမှု အားကောင်းလာ စေမည့်လုပ်ဆောင်ချက်တစ်ခုဖြစ်ကြောင်း သိရပါသည်။
DOCA (ရန်ကုန်)