ကမ္ဘောဒီးယား စိုက်ပျိုးရေးဖိုရမ်နှင့်ပြပွဲ ၂၀၂၅ (CAFE25) သည် ကမ္ဘောဒီးယားနိုင်ငံ၏ စိုက်ပျိုးရေးနှင့်အစားအစာကဏ္ဍတွင် ကုန်သွယ်မှုကို မြှင့်တင်ရန်၊ ရင်းနှီးမြှုပ်နှံမှုများကို ဆွဲဆောင်ရန်နှင့် ဆန်းသစ်တီထွင်မှုကို မြှင့်တင်ရန်အတွက် တက်ကြွစွာ ဆောင်ရွက်မည် ဖြစ်ကြောင်း စိုက်ပျိုးရေး၊ သစ်တောနှင့် ရေလုပ်ငန်း (MAFF) ဝန်ကြီး Dith Tina က ပြောကြားခဲ့ သည်။ Diamond Island Convention And Exhibition Center (DICE) တွင် ကျင်းပပြုလုပ်ခဲ့ သော CAFE25 ၏ ပိတ်ပွဲအခမ်းအနားတွင် Dith Tina က CAFE25 သည် စိုက်ပျိုးရေး ထုတ်ကုန်များနှင့် ဆက်စပ်သော စိန်ခေါ်မှုများအတွက် ဖြေရှင်းချက်များကို ရှာဖွေခြင်း၊ အရေအတွက်၊ အရည်အသွေးနှင့် ဈေးနှုန်းအရ ဈေးကွက်များကို အမှန်တကယ် လိုအပ်ချက်များနှင့်ချိတ်ဆက်ပေးခြင်း၊အထူးသဖြင့်ဘဏ်လုပ်ငန်းကဏ္ဍမှ စိုက်ပျိုးရေးနည်းပညာကဏ္ဍများအထိ သက်ဆိုင်ရာအကျိုးတူပါဝင်သူအားလုံးကို အပြန်အလှန် ယုံကြည်မှုတည်ဆောက်ရန်နှင့် မျှဝေအကျိုးကျေးဇူးများကို သေချာစေရန် ပါဝင်ဆောင်ရွက် ရန် ရည်ရွယ်ကြောင်း ပြောကြားခဲ့သည်။ လယ်သမားများ၊ ပြုပြင် ထုတ်လုပ်သူများ၊ ကုန်သည်များနှင့် ရင်းနှီးမြှုပ်နှံသူများအပါအဝင် စိုက်ပျိုးရေးတန်ဖိုး ကွင်းဆက် တစ်လျှောက်ရှိ ပါဝင်သူအားလုံးကို ချိတ်ဆက်ပေးခြင်းသည် ကမ္ဘောဒီးယားနိုင်ငံ၏ စိုက်ပျိုးရေး-အစားအစာကဏ္ဍတွင် ကုန်သွယ်မှုနှင့် ရင်းနှီးမြှုပ်နှံမှုအတွက် အခွင့်အလမ်းအသစ်များကို ရယူပေးနိုင်မည်ဖြစ်ကြောင်း Dith Tina က ထပ်လောင်း ပြောကြားခဲ့သည်။
DOCA(ရန်ကုန်)