၁၀.၁၁.၂၀၂၅ ရက်နေ့တွင် မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်အတွင်းရှိ မိုးကောင်းကင်ဆန်ဆိုင်၊ ထက်ဆန်ဆိုင်၊ ဧရာမင်းဆန်ဆိုင်တို့အား ဆန်စျေးနှုန်းမြှင့်တင် ရောင်းချခြင်း ရှိ/မရှိ ကွင်းဆင်းစစ်ဆေးခြင်းကို စားသုံးသူရေးရာဦးစီးဌာန၊ ခရိုင်နှင့် မြို့နယ် တာဝန်ခံတို့မှ ကွင်းဆင်းဆောင်ရွက်ခဲ့ကြသည်။
အဆိုပါစစ်ဆေးဆောင်ရွက်ရာတွင် ကျိုက်ထိုမြို့နယ်အတွင်းရှိ ဆန်ဆိုင်ကြီးများတွင် ဆန်အမျိုးအစားအလိုက် စျေးနှုန်းမြှင့်တင်ရောင်းချခြင်း ရှိ/မရှိ၊ စျေးနှုန်းမြှင့်တင်ရောင်းချခြင်း အလို့ငှာ ဆန်များသိုလှောင်ထားရှိမှု ရှိ/မရှိတို့အား ကွင်းဆင်းစစ်ဆေးဆောင်ရွက်ခဲ့ကြသည်။
ကျိုက်ထိုမြို့နယ်သည် ဆန်လိုမြို့နယ်ဖြစ်သောကြောင့် မြို့နယ်အတွက် လိုအပ်သော ဆန်၊စပါးများကို ဝေါမြို့နယ်၊ ပေါင်မြို့နယ်၊ သထုံမြို့နယ်၊ ဘီးလင်းမြို့နယ်နှင့် ပဲခူးတိုင်းတို့မှ ဝယ်ယူ၍ မြို့နယ်အတွင်း ပြန်လည်ရောင်းချနေကြကြောင်း သိရှိရပါသည်။
DOCA (မွန်)