ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံ ဦးသိန်းမောင်နှင့် ဝန်ထမ်းတို့သည် (၂၅.၁၀.၂၀၂၅)၊ နံနက် (၈:၀၀) နာရီအချိန်တွင် ဒေးဒရဲမြို့နယ် ဘုရားကလေးကွင်းကျေးရွာ “အောင်ချမ်းသာဆန်စက်နှင့်ဆန်းလှဝေ” ဆန်စက်မှ မြိတ်မြို့သို့ ပေါ်ဆန်း ဆန်နှင့်ဧည့်မထဆန်များ တင်ပို့လျက် ရှိသည့် လုပ်ငန်းများအား မြို့နယ်အဆင့် တာဝန်ရှိသူများ နှင့်ကွင်းဆင်းစစ်ဆေးခဲ့ကြပါသည်။
အဆိုပါ ကွင်းဆင်းစစ်ဆေးမှုတွင် မြို့နယ်အုပ်ချုပ်ရေးမှူး ဦးဆောင်၍ အောင်ချမ်းသာဆန်စက်မှ ဧည့်မထဆန်(၅၀၀၀)နှင့်”ဆန်းလှဝေ”ဆန်စက်မှ ဧည့်မထဆန်(၁၇၀၀)အိတ်နှင့် ပေါ်ဆန်းဆန်(၅၀၀) အား ရေယာဉ်ပေါ်သို့ သက်ဆိုင်ရာ ဌာနများ၏ ထောက်ခံချက် များဖြင့် တင်ဆောင်ထားရှိမှု၊ တရားမဝင်ပစ္စည်းများ တင်ဆောင်မှု မရှိစေရေး၊ ရေယာဉ်ကြံခိုင်မှုရှိ/ မရှိတို့အား တာဝန်ခံနှင့် ပြောဆိုဆွေးနွေးခဲ့ပြီး တရားဥပဒေနှင့်အညီ ညီညွတ်မှုမရှိသည့် ကိစ္စရပ်များ ဖြစ်ပွားမှုမရှိစေရေး ကွင်းဆင်းစစ်ဆေးခဲ့ပြီး လိုအပ်သည်များကို မှာကြားခဲ့ကြောင်း ကွင်းဆင်းစစ်ဆေးမှုအရ သတင်းရရှိ ပါသည်။
DOCA(ဧရာဝတီ)