အထည်အလိပ်ထုတ်လုပ်သူများသည် ဘင်္ဂလားဒေ့ရှ်အစိုးရအား လွတ်လပ်သော ကုန်သွယ်ရေးသဘောတူညီမှုများ လုပ်ဆောင်ရန်နှင့် ဥရောပသမဂ္ဂ၊ ဗြိတိန်၊ ဂျပန်နှင့် ကနေဒါ စသည့်နိုင်ငံများအပြင် အခြားသောကုန်သွယ်ရေးမိတ်ဖက်များနှင့်အတူ စီးပွားရေးပူးပေါင်းဆောင် ရွက်မှုသဘောညီချက်များ လုပ်ဆောင်ရန်တိုက်တွန်းလျက်ရှိကြောင်း သိရပါသည်။ ဘင်္ဂလားဒေ့ရှ် နိုင်ငံအထည်အလိပ်ထုတ်လုပ်သူများနှင့် တင်ပို့သူများအဖွဲ့အစည်း (BGMEA) က ၂၀၂၆ ခုနှစ်၊ နိုဝင်ဘာလတွင် ဘင်္ဂလားဒေ့ရှ်နိုင်ငံသည် ဖွံဖြိုးမှုနည်းသောနိုင်ငံ (LDC) မှ ဖွံ့ဖြိုးဆဲနိုင်ငံတစ်ခု အဖြစ် သတ်မှတ်ခြင်းခံရသည်နှင့် ဦးစားပေးကုန်သွယ်ရေးအကျိုးအမြတ်များထိန်းသိမ်းနိုင်ရန် အဆိုပါသဘောတူညီချက်များ လိုအပ်ကြောင်း ပြောကြားခဲ့ပါသည်။ BGMEA ခေါင်းဆောင်များ သည် နိုဝင်ဘာလ ၅ ရက်နေ့တွင် BGMEA ရုံးခန်းတွင်ကျင်းပပြုလုပ်သော အစည်းအဝေးတွင် အပြည်ပြည်ဆိုင်ရာ ငွေရေးကြေးရေးထိန်းချုပ်ရေးအဖွဲ့ (IMF) မှ ကိုယ်စားလှယ်များအား တွေ့ဆုံ မေးမြန်းမှုများ ပြုလုပ်ခဲ့ကြောင်း သိရပါသည်။ အဆိုပါခေါင်းဆောင်များသည် အစည်းအဝေးပွဲ အတွင်းတွင် အထည်အလိပ်တင်ပို့မှုအပေါ် အမေရိကန်နိုင်ငံ၏ အခွန်ကောက်ခံမှုကြောင့် ဖြစ်ပေါ်လာနိုင်မည့် အကျိုးသက်ရောက်မှုများ၊ LDC ဘွဲ့ရရှိစေရေးများ၊ ရေရှည်တည်တံ့သော စက်မှုလုပ်ငန်းဖွံ့ဖြိုး တိုးတက်ရေးအတွက် နည်းဗျူဟာများ၊ တန်ဖိုးဖြတ်ထားသော ကုန်ပစ္စည်း များတွင် အမျိုးအစားကွဲပြားမှုများနှင့် ကမ္ဘာ့စီးပွားရေးပြောင်းလဲလာမှုများ၏ အကျိုးဆက်များအကြောင်းကို ဆွေးနွေးခဲ့ကြောင်း သိရပါသည်။ BGMEA မှ ခေါင်းဆောင်များက နိုင်ငံတော် စီးပွားရေးအတွက် အထည်အလိပ်လုပ်ငန်းသည် အထောက်အပံ့ပေးနေကြောင်း အထူး အလေး ပေးပြောကြားခဲ့ပြီး များစွာသော ကဏ္ဍအသီးသီးအတွက် အသိပညာများကို မျှဝေဆွေးနွေး မှုများ ပြုလုပ်ခဲ့ကြောင်း အဆိုပါအဖွဲ့အစည်း၏ ထုတ်ပြန်ချက်များအရ သိရပါသည်။ အဆိုပါ အဖွဲ့အစည်း ၂ ခုလုံးသည် ဘင်္ဂလားဒေ့ရှ်နိုင်ငံတွင်လုပ်ငန်းများ နည်းပါးလာခြင်းကို ပြန်လည်မြှင့်တင်ရန်နှင့် လုပ်ငန်းလုပ်ကိုင်မှုစရိတ်များကို လျော့ချရန်အတွက် အဓိက ဆွေးနွေးမှုများ ပြုလုပ်ခဲ့ကြောင်း သိရပါသည်။
Source: The Daily Star
DOCA (ရန်ကုန်)