ထိုင်းနိုင်ငံ၏ စီးပွားရေးသည် စက်တင်ဘာလတွင် လစဉ်အခြေခံဖြင့် မြင့်တက်လာကြောင်း ဗဟိုဘဏ်က အောက်တိုဘာ ၃၁ ရက်နေ့က ထုတ်ပြန်ခဲ့ပါသည်။ ပို့ကုန်များ တိုးတက်လာခြင်း ကုန်ထုတ်လုပ်မှု ပြန်လည်ကောင်းမွန်လာခြင်းနှင့် နိုင်ငံခြားခရီးသွားလုပ်ငန်းမှ ဝင်ငွေများ ပိုမိုရှိခြင်းတို့က အဓိက တိုးတက်လာခဲ့ခြင်းဖြစ်ကြောင်း သိရပါသည်။
ထိုင်းနိုင်ငံ စီးပွားရေးတိုးတက်မှု၏ အဓိကမောင်းနှင်အားဖြစ်သော ပို့ကုန်များသည် စက်တင်ဘာလတွင် အီလက်ထရောနစ်နှင့် မော်တော်ယာဉ်ထုတ်ကုန်များ တိုးတက်လာမှုကြောင့် ယခင်နှစ်ကထက် ၁၉.၂ ရာခိုင်နှုန်း မြင့်တက်ခဲ့ကြောင်း ဗဟိုဘဏ်၏ အကြီးတန်း ဒါရိုက်တာ pranee Sutthasri ကပြောကြားခဲ့ကြောင်း သိရသည်။
စက်မှုလုပ်ငန်းများ တိုးတက်လာခြင်းကြောင့် စီးပွားရေးသည် ပြန်လည်ကောင်းမွန်လာပြီး ဝန်ဆောင်မှုလုပ်ငန်းများအတွက် အကျိုးရှိမည်ဖြစ်ပါသည်။ ၎င်းသည် အီလက်ထရောနစ် ပို့ကုန်များ၊ ခရီးသွားလုပ်ငန်းများနှင့် ပြည်တွင်ဝယ်လိုအားမြှင့်တင်ရန် အစိုးရ၏စီးပွားရေး အစီအမံများ ပြန်လည်ကောင်းမွန်လာမှုကို အထောက်အကူပြုမည်ဖြစ်ကြောင်း သိရှိရပါသည်။
Source : Xinhua
DOCA (ရန်ကုန်)