ဧရာဝတီတိုင်းဒေသကြီး၊ ဓနုဖြူမြို့နယ် စားသုံးသူရေးရာဦးစီးဌာန၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ မြန်မာ့ဆက်သွယ်ရေးလုပ်ငန်းနှင့် စည်ပင်သာယာရေးအဖွဲ့ တို့ပူးပေါင်း၍ ဆက်သွယ်ရေး ဝန်ဆောင်မှုလုပ်ငန်းများဆိုင်ရာ အသိပညာပေး ဟောပြောခြင်းနှင့် မြေပြင်ကွင်းဆင်းစစ်ဆေးခြင်းများကို ၃၀-၁၀-၂၀၂၅ ရက်နေ့ နံနက် ၁၀နာရီအချိန်က ဓနုဖြူမြို့နယ် ပြန်ဆပ်ရုံးတွင် ဆောင်ရွက်ခဲ့သည်။
အသိပညာပေး ဆွေးနွေးရာတွင် ရှေ့ဦးစွာ မြန်မာ့ဆက်သွယ်ရေးလုပ်ငန်းမှ တာဝန်ရှိသူက မိတ်ဆက်စကားပြောကြားပြီး စားသုံးသူရေးရာဦးစီးဌာန မြို့နယ်တာဝန်ခံရုံးမှ ဦးခိုင်လွမ်းမိုးက ဆက်သွယ်ရေး ဝန်ဆောင်မှု လုပ်ငန်းဆိုင်ရာများ ရှင်းလင်းပြောကြားပြီး၊ ဝန်ဆောင်မှု ပေးသုံးစွဲရန် ကြေငြာချက် သတင်းအချက် အလက်များကို သုံးစွဲသူသိရှိအောင် ကြိုတင်အသုံးပေးပြီး ထုတ်ပြန်ထားသည့် ဝန်ဆောင်မှုနှင့်အညီ အပြည့်အဝသုံးစွဲခွင့်ရှိရန်၊ Data Plan, Data Package ဝန်ဆောင်ခ လစဉ် ပလန်၊ ၇ရက်သုံး Plan ပက်ကေ့ချ်များကို မှန်ကန်တိကျစွာ စားသုံးသူအခွင့်အရေး ပြည်ဝစွာသုံးစွဲနိုင်ရန်တို့ကို ဆွေးနွေးခြင်း၊ သုံးစွဲမှုလိုင်းပြတ်တောက်ခြင်း၊ လိုင်းကျခြင်းများရှိပါက ကြိုတင်အသိပေးနိုင်ရန်နှင့် Online လိမ်လည်မှု လုပ်ငန်းများနှင့်ပတ်သက်၍ အသိပညာပေးဟောပြောသည်။ မြို့နယ် စည်ပင်သာယာရေးအဖွဲ့ တာဝန်ရှိသူက ဆက်သွယ်ရေးကြိုးများ သွယ်တန်းခြင်းနှင့် ဆက်သွယ်ရေး တိုင်များစိုက် ထူခြင်းများ ဆောင်ရွက်ရာ တွင် မြို့နယ်စည်ပင်သာယာရေး အဖွဲ့သို့ ဆက်သွယ်ဆောင် ရွက်သွားရန်နှင့် လိုအပ်သည်များကို ပူးပေါင်းပံ့ပိုးကူညီဆောင်ရွက်ပေး သွာမည်ဖြစ်ကြောင်းတို့ကို ရှင်းလင်းပြောကြားသည်။ အဆိုပါ အသိပညာပေးဟောပြောပွဲသို့ ဆက်သွယ်ရေး ရုံးတာဝန်ခံ စုစုပေါင်း(၅) ဦး တက်ရောက်ခဲ့ကြောင်း သိရသည်။
DOCA(ဧရာဝတီ)