ရုရှားနိုင်ငံ၏ စီးပွားရေးဖွံ့ဖြိုးတိုးတက်မှုဝန်ကြီးဌာနက အောက်တိုဘာလ ၂၉ ရက်နေ့တွင် ထုတ်ပြန်သော အစီရင်ခံစာအရ ရုရှား၏ GDP သည် ၂၀၂၅ ခုနှစ်၊ သြဂုတ်လတွင် ၀.၄ ရာခိုင်နှုန်း တိုးတက်ခဲ့ပြီးနောက် ၂၀၂၅ ခုနှစ်၊ စက်တင်ဘာလတွင် ယခင်နှစ်ကထက် ၀.၉ ရာခိုင်နှုန်း တိုးတက်ခဲ့သည်ဟု ဖော်ပြထားကြောင်း သိရသည်။
ဝန်ကြီးဌာန၏ အဆိုအရ ရုရှား၏ GDP သည် ၂၀၂၅ ခုနှစ်၏ တတိယသုံးလပတ်တွင် ၀.၆ ရာခိုင်နှုန်း မြင့်တက်ခဲ့ပါသည်။ ထို့အပြင် ၂၀၂၅ ခုနှစ်၏ ပထမ ကိုးလအတွင်း GDP တိုးတက်မှုနှုန်းသည် ၁ ရာခိုင်နှုန်းသို့ ရောက်ရှိခဲ့သည်ဟုလည်း ခန့်မှန်းထားကြောင်း သိရသည်။
စက်တင်ဘာလတွင် ဝန်ကြီးဌာနသည် ၂၀၂၅ ခုနှစ်အတွက် GDP တိုးတက်မှု ခန့်မှန်းချက်ကို ဧပြီလတွင် ခန့်မှန်းထားသော ၂.၅ ရာခိုင်နှုန်းမှ ၁ ရာခိုင်နှုန်းသို့ လျှော့ချခဲ့သည်။ ၎င်းသည် ၂၀၂၆ ခုနှစ်အတွက် ခန့်မှန်းချက်ကိုလည်း ၂.၄ ရာခိုင်နှုန်းမှ ၁.၃ ရာခိုင်နှုန်းသို့ လျှော့ချခဲ့ခြင်းဖြစ်ကြောင်း သိရှိရပါသည်။
Source : Xinhua
DOCA (ရန်ကုန်)