စားသုံးသူရေးရာဦးစီးဌာနရှိ ဝန်ထမ်းများ အသိပညာဗဟုသုတများရရှိစေပြီး လုပ်ငန်းတာဝန်များ ထမ်းဆောင်သည့်အခါတွင် ကျွမ်းကျင်ပိုင်နိုင်စွာ လုပ်ကိုင်ဆောင်ရွတ်တတ်စေရန် တစ်ဦးနှင့်တစ်ဦး အသိပညာဗဟုသုတများဖလှယ်၍ ဟောပြောဆွေးနွေးမှုများအား ရုံးလုပ်ငန်းများ မပျက်စေဘဲ နှစ်ပတ်လျှင်တစ်ကြိမ် ကြာသပဒေနေ့တိုင်း(Thursday Talk) အသိပညာပေးဆွေးနွေးပွဲများကို တိုင်းဒေသကြီးဦးစီးမှူး၏ ဦးဆောင်မှုဖြင့် တိုင်းနှင့်ခရိုင်များအလှည့်ကျ ကျင်းပပြုလုပ်လျက်ရှိရာ (၁၆.၁၀.၂၀၂၅)ရက်နေ့၊ နံနက် ၁၀:၀၀ နာရီအချိန်တွင် ညောင်ဦးခရိုင်၊ ကျောက်ပန်းတောင်းမြို့နယ်မှ အညာနဲ့ထန်းအလှခွဲခြား၍မရ ခေါင်းစဉ်ဖြင့် အလှည့်ကျပါဝင်ဆွေး နွေးဟောပြောခဲ့ပါသည်။
ဟောပြောဆွေးနွေးမှုတွင် ကျောက်ပန်းမြို့နယ်တာဝန်ခံ ဒေါ်မြသန္တာထွန်း (ဒု-ဦးစီးမှူး) က ဟောပြောဆွေးနွေးရာတွင် ထန်ပင်၏အစ၊ ထန်ရည်များထွက်ပေါ်ချိန်ထန်းသမားတို့၏ အချိန်ရာသီ နှင့်လုပ်ငန်းခွင်ဆောင်ရွက်ပုံများ၊ ထန်းလျက်၏အသုံးဝင်ပုံနှင့်ဈေးနှုန်းဈေးကွက်များ၊ အညာဒေသ အတွက်ထန်းပင်၏ အကျိုးပြုပုံများနှင့်ထန်းတက်သမားတို့၏ ဘဝသရုပ်ကို ပေါ်လွင်အောင် ဟောပြော ဆွေးနွေးခဲ့ရာ ဟောပြောပွဲသို့ တိုင်းဒေသကြီးဦးစီးမှူးနှင့် အရာထမ်းအမှုထမ်းများ၊ ခရိုင်များမှ ခရိုင်ဦးစီး မှူးများနှင့် အမှုထမ်းအရာထမ်းများ Online ဖြင့်တက်ရောက်ခဲ့ကြပါသည်။ ယခုလို Thursday Talk အသိပညာပေးဟောပြောခြင်းဖြင့် ဝန်ထမ်းများ တစ်ဦးနှင့်တစ်ဦး ချစ်ခင်ရင်းနှီးမှုများ၊ အသိပညာ ဗဟုသုတများ၊ စကားပြောစွမ်းရည်များ တိုးတက်မြင့်မားစေလာနိုင်ပြီး လုပ်ငန်းတာဝန်များကို ထမ်းဆောင်ရာတွင် တစ်ဖက်တစ်လမ်းမှ များစွာအထောက်အကူများရရှိစေနိုင်မှာ ဖြစ်ပါကြောင်းနှင့် ဆက်လက်၍လည်း နှစ်ပတ်လျှင်တစ်ကြိမ်ဖြင့် ဆောင်ရွက်သွား မည်ဖြစ်ကြောင်း သိရသည်။
DOCA(မန္တလေး)