မြန်မာဆန်စပါးအွန်လိုင်း(MyRO)ကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်လျက်ရှိပြီး စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးအနေဖြင့် ရှမ်းပြည်နယ်(တောင်ပိုင်း) အတွင်းရှိ ဆန်စပါးလုပ်ငန်းရှင်များ၊ ဆန်ကုန်သည်များ၊ ဆန်စက်လုပ်ငန်းရှင်များနှင့် ဆန်စပါး လုပ်ငန်းလုပ်ကိုင် နေသောသူများအား သတ်မှတ်ပမာဏ များအလိုက် သိုလှောင်မှုများရှိပါက မြန်မာဆန်စပါး အွန်လိုင်း MyRO(www.myro.com.mm)တွင် မှတ်ပုံတင်ဆောင်ရွက်နိုင်ရေး အသိပေးဆောင်ရွက်လျက် ရှိပါသည်။
ရှမ်းပြည်နယ်တွင် လက်ရှိအချိန်ထိ (MyRO)တွင် မှတ်ပုံတင်ထားသော ဆန်/စပါးသိုလှောင်ရုံ အလုံး(၁၀၀)ရှိပြီး ယခု အောက်တိုဘာလ(၂၁)ရက်နေ့တွင် တောင်ကြီးမြို့နယ်၊ နယ်မြေ(၉)၊ ဟဲကယ်ရွာမှ (MyRO)တွင် မှတ်ပုံတင်ထားရှိနိုင်စေရေးအတွက် လာရောက်လျှောက် ထားရာ စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ (အကြီးတန်းစာရေး)ဒေါ်မေသဇင် က သိုလှောင်ရုံလျှောက်ထားခြင်းနှင့်ပတ်သက်၍ ဆောင်ရွက်ရမည့်လုပ်ငန်းစဉ်များအား ရှင်းလင်း ပြသ၍ လိုအပ်သည်များကိုကူညီဆောင်ရွက်ပေးခဲ့ကြောင်း သိရသည်။
DOCA(ရှမ်း)