“ဦးငင်းပန့်”ဆန်စက်နှင့် ဆန်စပါးရောင်းဝယ်ရေးလုပ်ငန်းရှင်နှင့် တွေ့ဆုံဆွေးနွေးခြင်း

       ရှမ်းပြည်နယ်(မြောက်ပိုင်း)၊ စားသုံးသူရေးရာဦးစီးဌာန၊ ဒုတိယပြန်နယ်ဦးစီးမှူးရုံးမှ တာဝန်ရှိသူများသည် စားသုံးသူကာကွယ်ရေးလုပ်ငန်းများ ဆောင်ရွက်ရန် (၁၅.၁၀.၂၀၂၅)ရက်နေ့၊ နံနက်(၁၀:၃၀)နာရီတွင် လားရှိုးမြို့၊ ရပ်ကွက်(၁၂)၊ ကောင်းရုံးလမ်း၊ လားရှိုးကြီးဈေးမြောက်ဘက်ရှိ “ဦးငင်းပန့်”ဆန်စက်နှင့် ဆန်စပါးရောင်းဝယ်ရေးလုပ်ငန်းရှင်အား သွားရောက်တွေ့ဆုံ၍ ဆန်ကြိတ်ခွဲ ထုတ်ပေးမှုနှင့် ဆန်လက်လီလက်ကားရောင်းချနေမှု အခြေအနေများအား ကွင်းဆင်းစစ်ဆေးခဲ့ကြပါသည်။

          ထိုသို့ကွင်းဆင်းဆောင်ရွက်ရာ “ဦးငင်းပန့်” ဆန်စက်တွင် ဒေသဆန်အမျိုးအစားများကို စုံစုံလင်လင် ကြိတ်ခွဲပေးလျက်ရှိပြီး ကြိတ်ခွဲခ ဆန်တစ်အိတ်လျှင် (၁၀၀၀၀)ကျပ်နှင့် သန့်စင်ခ (၅၀၀၀)ကျပ်ဖြင့် ဆန်ကြိတ်ခွဲသန့်စင်ခ အပြီးအစီး တစ်အိတ်လျှင် (၁၅၀၀၀)ကျပ် ကျသင့်ကောက် ခံကြောင်း သိရှိရပါသည်။ တစ်နာရီလျှင် အိတ်(၅၀)နှုန်းဖြင့် တစ်ရက်လျှင် ခြောက်နာရီ ၊ အိတ်ပေါင်း (၃၀၀)နှုန်းဖြင့် နေ့စဉ် ကြိတ်ခွဲပေးလျက်ရှိကြောင်း သိရှိရပါသည်။ ထို့ပြင် “ဦးငင်းပန့်” ဆန်စက်တွင် ဒေသဆန်များဖြစ်သော ၈၈၁(ရှမ်းဆန်)၊ ၂၅ပိဿာ(၂၀ ပြည်) တစ်အိတ်လျှင် (၁၂၀၀၀၀) ကျပ်နှင့် ၅၀၂(ရှမ်းဆန်) တစ်အိတ်လျှင် (၁၂၀၀၀၀) ကျပ်နှုန်းတို့ဖြင့်လည်း လက်လီလက်ကား ရောင်းချကြောင်း စစ်ဆေးတွေ့ရှိရပါသည်။ ထို့နောက် ၎င်းဆန်စက်လုပ်ငန်းရှင်အား ဈေးကွက်အတွင်း ဆန်များပြတ်လပ်မှုမရှိစေရေး၊ ဈေးနှုန်းကြီးမြင့်မှုမရှိစေရေး၊ ဈေးနှုန်းတည်ငြိမ်စေရေး၊ ဈေးနှုန်း မြှင့်တင်ရောင်းချမှုမရှိစေရန်၊ ဈေးကစားရန် ရည်ရွယ်၍  သိုလှောင်ထားခြင်းများ မပြုလုပ်ရန်နှင့် ဆန်သိုလှောင်ရုံမှတ်ပုံတင် သက်တမ်းပြည့်ပါက MyROတွင် ဆက်လက်မှတ်ပုံတင် သက်တမ်းတိုး လုပ်ငန်းများ ဆောင်ရွက်သွားရန် စသည်တို့ကို အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ရှမ်း)