စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ နေပြည်တော် ရုံးချုပ် မှ ကျင်းပပြုလုပ်သော မြန်မာဆန်စပါးအွန်လိုင်း(Myanmar Rice Online – My RO)တွင် ဆန်စပါးသိုလှောင်ရုံများ မှတ်ပုံတင်ခြင်း၊သက်တမ်းတိုးခြင်းနှင့် စပ်လျဉ်းသည့် လုပ်ငန်းညှိနှိုင်း အစည်းအဝေးကို ၁၅-၁၀-၂၀၂၅ ရက် (ဗုဒ္ဓဟူး)နေ့နံနက် (၁၀:၀၀)နာရီ အချိန်တွင် Virtual Meeting စနစ်ဖြင့် ကျင်းပပြုလုပ်ခဲ့ပါသည်။ အဆိုပါ လုပ်ငန်းညှိနှိုင်းအစည်းအဝေးသို့ မန္တလေးတိုင်းဒေသကြီး ဦးစီးမှူးရုံးမှ တိုင်းဒေသကြီးဦးစီးမှူး ဦးဇေယျာဆွေနှင့် ဝန်ထမ်းများ၊ ခရိုင်ရုံးများမှ ခရိုင်ဦးစီးမှူး များနှင့် ဝန်ထမ်းများက Zoom ဖြင့် တက်ရောက်ခဲ့ကြပါသည်။အဆိုပါ အခမ်းအနားတွင် စားသုံးသူ ရေးရာဦးစီးဌာန ညွှန်ကြားရေးမှူးချုပ် ဦးခင်မောင်လှိုင်က အဖွင့်အမှာ စကားပြောကြားခဲ့ပါ သည်။ထိုနောက် စားသုံးသူရေးရာဦးစီးဌာန သတင်းအချက်အလက်နည်းပညာနှင့် အရည်အသွေးစီမံ ခန့်ခွဲရေးဌာနခွဲမှ ညွှန်ကြားရေးမှူး ဦးဆန်းမြင့်က မြန်မာဆန်စပါးအွန်လိုင်း(Myanmar Rice Online – My RO)တွင် ဆန်စပါးသိုလှောင်ရုံများ မှတ်ပုံတင်ထားရှိမှု၊သက်တမ်းတိုးထားရှိမှု၊ရ/ထုတ်/ကျန် စာရင်း ထည့်သွင်းထားရှိမှု အခြေအနေတို့နှင့် စပ်လျဉ်း၍ Power Point ဖြင့် ရှင်းလင်းဆွေးနွေးပြောကြား ခဲ့ပါသည်။မြန်မာနိုင်ငံဆန်စပါးအသင်းချုပ်နှင့် တိုင်း/ပြည်နယ်ဦးစီးမှူးများက My RO နှင့် သက်ဆိုင် သောကိစ္စရပ်များအား ရှင်းလင်းတင်ပြဆွေးနွေးခဲ့ကြပြီး စားသုံးသူရေးရာညွှန်ကြားရေမှူးချုပ်မှ နိဂုံးချုပ် အမှာစကားပြောကြားခဲ့ပါသည်။
DOCA (မန္တလေး)