စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ အနီးကပ်ကြီးကြပ်မှုဖြင့် ခရိုင်ဦးစီးမှူးရုံးမှ ဝန်ထမ်းများသည် စားသုံးသူများ ဘေးအန္တရာယ်ကင်းရှင်းပြီး မိမိတို့လုပ်ငန်းများ ထုတ်ကုန်လုံခြုံစိတ်ချရမှုရှိပြီး အကျိုးစီးပွားအောင် မြင်ဖြစ်ထွန်းစေရန် ရည်ရွယ်၍ (၁၆.၁၀.၂၀၂၅) ရက်နေ့၊ နံနက်(၁၀:၀၀)အချိန်တွင် ဒေသတွင်း ထုတ်လုပ်လျက်ရှိသော မြေပဲဆုံဆီ၊ လက်ဖက်နှင့် ငါးမုန့်ခြောက်လုပ်ငန်းရှင်များသို့ သွားရောက်၍ အသိပညာပေးဆွေးနွေးခဲ့ကြောင်း သိရသည်။
စားသုံးသူရေးရာဌာနခွဲ တာဝန်ခံ ဒေါ်နွယ်နွယ်အေးမှ အသိပညာပေးရာတွင် လုပ်ငန်းရှင်များ အနေဖြင့် စားသုံးသူများမှ စားသောက်ကုန်တစ်ခုခုကို ရွေးချယ်ဝယ်ယူရာတွင် ကုန်အညွှန်းအမှတ် အသား ပြည့်စုံစွာ ဖော်ပြမှုမှာ အရေးကြီးသော အခန်းကဏ္ဍတွင်ရှိကြောင်း၊ အသိပညာဗဟုသုတများ ရရှိလာပြီဖြစ်၍ ပြည့်စုံစွာထည့်သွင်းခြင်းဖြင့် အကျိုးစီးပွားများ အောင်မြင်ဖြစ်ထွန်းလာမည်ဖြစ် ကြောင်း၊ ကုန်အညွှန်း အမှတ်အသား ပြည့်စုံမှုမရှိသော ထုတ်ကုန်များအား စားသုံးသူကာကွယ်ရေး ဥပဒေအရ ဈေးကွက် အတွင်းမှ လျော့နည်းပပျောက်သွားစေရန် စောင့်ကြည့်စစ်ဆေး အရေးယူသွား မည်ဖြစ်ကြောင်း၊ မိမိတို့ ထုတ်လုပ်သော လက်ဖက်များတွင် ခွင့်မပြုဆိုးဆေးများ အသုံးပြုမှုကို ရှောင်ကြဉ်စေလိုကြောင်း၊ ခွင့်ပြုပမာဏကိုသာတိကျစွာ လိုက်နာစေလိုကြောင်း ပြောကြားခဲ့ပြီး မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်(၂/၂၀၁၉) လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။
DOCA(မကွေး)