ဗီယက်နမ်ကျွဲကောသီးများဩစတေးလျသို့ တရားဝင်တင်ပို့ခြင်းနှင့် ဩစတေးလျဘလူး ဘယ်ရီသီးများအား ဗီယက်နမ်ကတင်သွင်းသည့်အခမ်းအနားကို အောက်တိုဘာလ ၉ ရက်နေ့က ကျင်းပပြုလုပ်ခဲ့ကြောင်း သိရပါသည်။ ကျွဲကောသီးသည် နဂါးမောက်သီး၊ သရက်သီး၊ တောကြက် မောက်သီး၊ ပင်မှည့်သီး၊ ကြက်မောက်သီး၊ လိုင်ချီးသီးနှင့် star apple တို့ပြီးနောက် ဩစတေးလျ ဈေးကွက်သို့ဝင်ရောက်ခွင့်ရသည့် ဗီယက်နမ်၏ ၈ ခုမြောက်သစ်သီးဖြစ်ကြောင်း သိရပါသည်။ တစ်ချိန်တည်းမှာပင် ဘလူးဘယ်ရီးသီးများသည် စပျစ်သီး၊ လိမ္မောသီး၊ မန်ဒရင်းသံပရာ၊ ချယ်ရီသီး၊ မက်မွန်သီး၊ nectarines နှင့် plum တို့ပြီးနောက် ဗီယက်နမ်ဈေးကွက်သို့ဝင်ရောက်သည့် ၈ ခုမြောက်ဩစတေးလျသစ်သီးဖြစ်ကြောင်း သိရပါသည်။ ဗီယက်နမ်စိုက်ပျိုးမွေးမြူရေးနှင့် သဘာဝပတ်ဝန်းကျင်ဒုတိယဝန်ကြီး Hoang Trung က ထိုအောင်မြင်မှုမှတ်တိုင်သည် နှစ်နိုင်ငံအကြားအကျိုးရှိသော ပူးပေါင်းဆောင်ရွက်မှုနှင့် ယုံကြည်မှုရှိမှုကို ရောင်ပြန်ဟပ်ကြောင်းနှင့် နှစ်နိုင်ငံမှ စိုက်ပျိုးရေးသမားများနှင့် စားသုံးသူများအကျိုးအမြတ်အတွက် စဉ်ဆက်မပြတ် ဖွံ့ဖြိုးတိုးတက်မှု၏ အာမခံချက်တစ်ခုဖြစ်ကြောင်း ပြောကြားခဲ့ပါသည်။ ဩစတေးလျ၏ အစားအစာလုံခြုံရေးလိုအပ်ချက်စံနှုန်းများနှင့် ကိုက်ညီရန်အတွက် အပင်ထုတ်လုပ်ခြင်းနှင့်ကာကွယ် ရေးဦးစီးဌာနက ဒေသဆိုင်ရာအေဂျင်စီများနှင့်ပူးပေါင်း၍ လေ့ကျင်ခြင်း၊ စည်းမျဉ်းများအား အများပြည်သူသိရှိစေရန်ဖြန့်ဝေခြင်း၊ တင်ပို့ရန်အတွက်ထုတ်ပိုးသည့်ဝန်ဆောင်မှုနှင့် အသိအမှတ်ပြု လက်မှတ်ထုတ်ပေးခြင်းတို့တွင် ထိန်းကျောင်းပေးခြင်းတို့ဖြင့် ပံ့ပိုးသွားမည်ဟု သိရပါသည်။ ဗီယက်နမ်၏ကျွဲကောသီးများသည် ယခုအခါ အမေရိကန်၊ တောင်ကိုရီးယားနှင့် နယူးဇီလန်တို့ပါဝင်သည့် နိုင်ငံနှင့် ဒေသပေါင်း ၁၄ ခုတွင် ရရှိပြီဖြစ်ကြောင်း သိရပါသည်။ ဗီယက်နမ်သည် စိုက်ခင်း ၁၁၀၀၀၀ ဟတ်တာနှင့် နှစ်စဉ်အထွက်နှုန်း တန်ချိန် ၁.၂ သန်းနှင့်အတူ ကမ္ဘာပေါ်တွင် ဒုတိယမြောက်အကြီးမားဆုံး ကျွဲကောသီးထုတ်လုပ်သည့် နိုင်ငံဖြစ်ကြောင်း သိရပါသည်။ ၂၀၂၄ ခုနှစ်တွင် လတ်ဆတ်သောကျွဲကောသီးတင်ပို့မှုတန်ဖိုးမှာ အမေရိကန် ဒေါ်လာ သန်း ၆၀ ထိ ရောက်ရှိခဲ့ကြောင်း သိရှိရပါသည်။
Vietnam Plus
DOCA (ရန်ကုန်)