မအူပင်မြို့နယ် စားအုန်းဆီလက်လီအရောင်းဆိုင်များအား ပူးပေါင်းအဖွဲ့ဖြင့် သတ်မှတ်ချက်များနှင့်အညီ ရောင်းချနိုင်ခြင်း ရှိမရှိ ကွင်းဆင်းစစ်ဆေး

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်မြို့နယ်ဦးစီးမှူး အနေဖြင့် ဒေသတွင်း ကုန်ဈေးနှုန်းတည်ငြိမ်ရေးလုပ်ငန်းများကို စိစစ်ကြပ်မတ် ဆောင်ရွက်လျက်ရှိရာ ၈.၁၀.၂၀၂၅ ရက်နေ့ နံနက် ၈နာရီအချိန်တွင် မအူပင်မြို့နယ်ရှိ စားအုန်းဆီလက်လီကိုယ်စားလှယ် (၆)ဦး၏ ဆီဆိုင်သို့  သတ်မှတ်ချက်နှင့်အညီ ရောင်းချခြင်း ရှိ/ မရှိကို ကွင်းဆင်းစစ်ဆေးခဲ့ကြောင်း သတင်း ရရှိပါသည်။

      မအူပင်မြို့နယ် ဒုခရိုင်ဦးစီးမှူး ဦးအောင်ဇော်ဦးနှင့် မအူပင်ဆီကုန်သည်နှင့် ဆီလုပ်ငန်းရှင်အသင်း ဥက္ကဌနှင့်  မိတ်ဖက်ဌာနများ ဖြစ်ကြသော အထွေထွေ အုပ်ချုပ်ရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ မအူပင်မြို့မဈေးအတွင်းရောင်းချတေသော စားအုန်းဆီလက်လီအရောင်းဆိုင် (၆)ဦးဆိုင်သို့ ဆီဆိုင်ဖြန့်ဖြူရောင်းချမှုအခြေအနေအား ကွင်းဆင်းစစ်ဆေးခဲ့ပါသည်။ စစ်ဆေးရာတွင် စားအုန်းဆီလက်လီ ကိုယ်စားလှယ်များ ပြည်သူများကို ဆီရောင်းချရာတွင်  သတ်မှတ်ချက်နှင့် စည်းကမ်းများနှင့်အညီ ရောင်းချခြင်းရျိမရှိ၊ သတ်မှတ်ထားသည့် ရည်ညွှန်းဈေးထက် ဈေးနှုန်းမြှင့်တင်ရောင်းချခြင်း ရှိမရှိ စစ်ဆေးဆောင်ရွက်ခဲ့ပြီး လုပ်ငန်းရှင်များက သတ်မှတ်ချက်များနှင့်အညီ ရောင်းချလျက်ရှိကြောင်း သတင်းရရှိပါ သည်။

DOCA (ဧရာဝတီ)