မလေးရှားအခြေစိုက် ကမ္ဘာ့ထိပ်တန်း လက်အိတ်များထုတ်လုပ်သူ Top Glove ကုမ္ပဏီ သည် ၂၀၂၅ ခုနှစ် သြဂုတ်လ ၃၁ ရက်နေ့တွင် ကုန်လွန်ခဲ့သော ၂၀၂၅ ခုနှစ် ဘဏ္ဍာနှစ်အတွင်း အမြတ်အစွန်း များ ပြန်လည်မြင့်တက်လာခဲ့ကြောင်း အောက်တိုဘာလ ၉ ရက်နေ့ ကုမ္ပဏီ၏ ပြောကြားချက်အရ သိရသည်။ ၂၀၂၄ ခုနှစ်က ရရှိခဲ့သော ၆၄.၈၈ သန်းရင်းဂစ်နှင့် နှိုင်းယှဉ်ပါက ၂၀၂၅ ခုနှစ်တွင် ရင်းဂစ် ၁၀၉.၀၇ သန်းသို့ ရောက်ရှိခဲ့ကြောင်း Top Glove ၏ ဖော်ပြချက်အရသိ ရသည်။
ကုမ္ပဏီ၏ တစ်နှစ်တာဝင်ငွေသည် ရင်းဂစ် ၃.၄၉ ဘီလီယံသို့ တစ်နှစ်ထက်တစ်နှစ် ၃၈.၇၈ ရာခိုင်နှုန်း မြင့်တက်လာခဲ့သည်။ ၎င်း၏ တိုးတက်လာသော စွမ်းဆောင်ရည်သည် ဘဏ္ဍာ နှစ် တစ်လျှောက်လုံး အရှိန်အဟုန်ဖြင့် ဆက်လက်မြင့်တက်လျက်ရှိသော လက်အိတ်များ၏ ဝယ်လိုအား အားကောင်းလာခြင်းကြောင့် ဖြစ်ကြောင်းသိရသည်။ ပိုမိုကောင်းမွန်သော ကုန်ကျ စရိတ် စီမံခန့်ခွဲမှုသည် ပြိုင်ဆိုင်မှုရှိသော စျေးနှုန်းများကို မြှင့်တင်ပေးကာ အရောင်းပမာssssဏ ကိုလည်းမြှင့်တင်ပေးပြီး သုံးစွဲမှုနှုန်းကို ၂၀၂၅ ခုနှစ် သြဂုတ်လ တွင် ၇၅ ရာခိုင်နှုန်းခန့်အထိ မြှင့်တင်ပေးခဲ့ကြောင်းသိရသည်။ ကျန်မာရေးစောင့်ရှောက်မှု၊ စက်မှုလုပ်ငန်း၊ အစားအသောက် နှင့် အဖျော်ယမကာ (F&B) ကဏ္ဍများ တွင် လက်အိတ်လုပ်ငန်း၏ ရေရှည်အလားအလာအပေါ် အကောင်းမြင်လျှက်ရှိသည်။ မြင့်မားသော ပြိုင်ဆိုင်မှု၊ လုပ်သားရှားပါးမှုနှင့် လုပ်ငန်းလုပ်ဆောင်မှု ကုန်ကျစရိတ်များမြင့်တက်လာမှု တို့ကဲ့သို့သော စိန်ခေါ်မှုများကို ရင်ဆိုင်နေရသော်လည်း ခိုင်မာ သောအရည်အသွေးနှင့် ကုန်ကျစရိတ်ပိုမို ကောင်းမွန်အောင်လုပ်ဆောင်မှုများဖြင့် အဆိုပါ စိန်ခေါ်မှုများကို ကျော်လွှားနိုင်ကြောင်း ကုမ္ပဏီမှ ပြောကြားခဲ့သည်။
DOCA(ရန်ကုန်)