ပခုက္ကူမြို့ပေါ်ရှိ စတိုးဆိုင်းများတွင် Dumex Dupro Brand အတုများရောင်းချခြင်း ရှိ/မရှိ ဈေးကွက်စောင့်ကြည့်စစ်ဆေး

      စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ခရိုင် ဦးစီးမှူး၏ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့် ဝန်ထမ်းများသည်(၂၆.၉.၂၀၂၅) ရက်နေ့၊ နံနက်(၀၉:၃၀)အချိန်တွင် မိတ်ဘက်ဌာနဆိုင်ရာများနှင့် ပူးပေါင်း၍ “Dumex Dupro Brand” အမှတ်တံဆိပ် နို့စို့ကလေးနှင့် ကလေးငယ်များအတွက် ဖော်စပ်စာအား ဈေးကွက်အတွင်း ကုန်ပစ္စည်း အတုရောင်းချနေသည်ကို တွေ့ရှိရပါသဖြင့် အဆိုပါကုန်ပစ္စည်းအတုများ ဈေးကွက်အတွင်း ရောင်းချ ခြင်း မရှိစေရန်နှင့် ဈေးကွက်အတွင်းမှ ပပျောက်စေရန် ရည်ရွယ်၍ တွင် ပခုက္ကူမြို့ပေါ်ရှိ စတိုးဆိုင်နှင့် ဆေးဆိုင်များ သို့ သွားရောက်ပြီး ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

     ထိုသို့ဈေးကွက်စောင့်ကြည့်စစ်ဆေးရာတွင် ကလေးအသုံးအဆောင်ပစ္စည်းအမျိုးမျိုး ရောင်းချ နေသည့်လုပ်ငန်းရှင်များနှင့် ဆေးပစ္စည်းအရောင်းဆိုင်ရှင်များကို  “Dumex Dupro Brand” အမှတ် တံဆိပ် နို့စို့ကလေးနှင့် ကလေးငယ်များအတွက် ဖော်စပ်စာ အတုများအား ရောင်းချခြင်းမရှိကြောင်း စစ်ဆေးတွေ့ရှိပြီး လုပ်ငန်းရှင်များအား ကုန်စည်များတွင် ကုန်အညွှန်းအမှတ်အသားနှင့်စပ်လျဉ်း၍ မြန်မာဘာသာဖြင့် ဖော်ပြထားခြင်း ရှိ/ မရှိ၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန် ထားသည့် ညွှန်ကြားချက်အမှတ် (၂/၂၀၁၉) နှင့်အညီ ပြည့်စုံစွာဖော်ပြထားရှိသော ကုန်စည်များ ကိုသာရောင်းချရန်နှင့် သက်တမ်းလွန် ပစ္စည်းများကို ရောင်းချခြင်းမပြုရန်နှင့် လုပ်ငန်းရှင်များ၏ တာဝန်များကိုလည်း သိရှိစေရန်အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)