နယူးဇီလန်၏ စားသောက်ကုန်စျေးနှုန်းများသည် ၂၀၂၅ ခုနှစ် သြဂုတ်လအထိ ၁၂ လတာ ကာလအတွင်း ၅ ရာခိုင်နှုန်းမြင့်တက်ခဲ့ပါသည်။ ဇူလိုင်လက သတ်မှတ်ထားသည့် နှုန်းထားကို ဆက်လက် ထိန်းသိမ်းနိုင်ခဲ့ကြောင်း စာရင်းအင်းဌာနက စက်တင်ဘာလ ၁၆ ရက်နေ့က ပြော ကြားခဲ့ပါ သည်။
အဆိုပါမြင့်တက်မှုသည် နို့ထွက်ပစ္စည်းစျေးနှုန်း သိသိသာသာ မြင့်တက်ခဲ့မှုကြောင့်ဖြစ် ကြောင်း Stats NZ က ပြောကြားခဲ့ပါသည်။ နို့ ၂ လီတာ ပျမ်းမျှစျေးနှုန်းသည် ၁၆.၄ ရာခိုင်နှုန်း တက်၍ စျေးအသက်အသာဆုံး ၄.၇၂ နယူးဇီလန်ဒေါ်လာ (အမေရိကန်ဒေါ်လာ ၂.၈၁) သို့ရောက် ရှိခဲ့ပြီး၊ ဒိန်ခဲစျေးနှုန်း ၂၆.၂ ရာခိုင်နှုန်းမြင့်တက်ခဲ့ကာ ထောပတ်စျေးနှုန်း ၃၁.၈ ရာခိုင်နှုန်းမြင့် တက်ခဲ့ကြောင်း သိရှိရပါသည်။
နို့ ၂ လီတာ၏ စျေးနှုန်းသည် ၂၀၂၃ ခုနှစ် ဒီဇင်ဘာလတွင် ၈၈ ဆင့်တိုးလာခဲ့ပါသည်။ အမဲ သား၊ ကြက်သား၊ ငါးတို့သည် ၈.၁ ရာခိုင်နှုန်းမြင့်တက်ခဲ့ပါသည်။
တစ်နိုင်ငံလုံးရှိ အိမ်ငှားခစျေးနှုန်းများသည် သြဂုတ်လအထိ တစ်နှစ်တာအတွင်း ၂.၁ ရာခိုင်နှုန်းမြင့်တက်ခဲ့ပြီး ၂၀၁၁ ခုနှစ် မတ်လနောက်ပိုင်း အနည်းဆုံးနှစ်စဉ် မြင့်တက်မှု ဖြစ်ကြောင်း သိရှိရပါသည်။
DOCA(ရန်ကုန်)