စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်ရှိ ချင်းတွင်းရတနာဈေး၊ မန်းကျည်းပင်ဈေး၊ ပြည်ထောင်စုဈေး၊ ဗန္ဓုလဈေး၊ သာစည်ဈေးနှင့် ဝန်ထမ်းအိမ်ရာရှိ နန္ဒဝန်ဈေးသစ်တို့တွင် စက်တင်ဘာလ စတုတ္ထပတ်တွင် ရောင်းချနေသော ရာသီစာ ဇီးဖြူသီးများနှင့် ဖန်ခါးသီး ဈေးနှုန်း များအနေဖြင့် ဇီးဖြူသီး ( ၁)ဘူးလျှင် ( ၅၀၀)ကျပ်၊ ဖန်ခါးသီး ( ၁) ဘူးလျှင် ( ၇၀၀)ကျပ်နှင့် တောကြက်ဟင်းခါးသီး( ၁ )ဘူးလျှင် (၁၀၀၀)ကျပ်ဖြစ်ကြောင်းသိရသည်။ အဆိုပါ သီးနှံများသည် ရာသီစာများဖြစ်ပြီး မိုးရာသီတွင် လှိုင်လှိုင်ပေါများလျက်ရှိကြောင်းသိရသည်။
DOCA(စစ်ကိုင်း)