အာဖဂန်နစ္စတန်နိုင်ငံသည် အမေရိကန်ဒေါ်လာ ၅၄ သန်းကျော်တန်ဖိုးရှိသော Herat-Khaf ရထားလမ်း၏ စတုတ္ထပိုင်း ဒုတိယအဆင့်ကို စတင်တည်ဆောက်လျက်ရှိပါသည်။
၎င်းသည် အီရန်နိုင်ငံနှင့် ကမ္ဘာလုံးဆိုင်ရာ ကုန်သွယ်ရေးကွန်ရက်များသို့ နိုင်ငံ၏ ရထားလမ်း ချိတ်ဆက်မှုကို မြှင့်တင်ရန်ရည်ရွယ်ကြောင်း အစိုးရရုံးက ပြောကြားခဲ့ပါသည်။
Herat ပြည်နယ်အနောက်ပိုင်းတွင် ကျင်းပသော အခမ်းအနားတစ်ခုတွင် ဘုရင်ခံ Sheikh Mawlana Islamjar က အာဖဂန်နစ္စတန်မှ အီရန်သို့ ရထားလမ်းဆက်သွယ်မှုဖော်ဆောင်ကာ ဥရောပ အထိ တိုးချဲ့သွားမည်ဖြစ်ကြောင်း ပြောကြားခဲ့ပါသည်။
၄၇ ကီလိုမီတာအပိုင်းသည် ရထားလမ်းကို Herat ပြည်နယ်၏ စက်မှုဇုန်များနှင့် လေဆိပ် သို့ ပိုမိုနီးကပ်စေမည်ဖြစ်ပြီးကုန်စည်စီးဆင်းမှုကို ချော့မွေ့စေမည်ဖြစ်ပါသည်။ အနီးအနား ရှိဒေသခံများကို စီးပွားရေးအခွင့်အလမ်းသစ်များ ဖော်ဆောင်ပေးနိုင်မည်ဖြစ်ကြောင်း သိရှိရ ပါသည်။
အဆိုပါ ရထားလမ်းသည် ၂၂၅ ကီလိုမီတာ ရှည်လျားသော နယ်စပ်ဖြတ်ကျော် စီမံကိန်းဖြစ်ပြီး အီရန်နိုင်ငံနှင့် အာဖဂန်နစ္စတန်နိုင်ငံ Herat တို့ကိုဆက်သွယ်ထားကြောင်း သိရှိရပါသည်။
DOCA (ရန်ကုန်)