ဧရာဝတီတိုင်းဒေသကြီး ဟင်္သာတခရိုင်၊ လေးမျက်နှာမြို့နယ်၌ ၂၀၂၅ မိုးစပါးကို လေးမျက်နှာ မြို့နယ်တွင် ဆင်းသုခ၊ မနောသုခ၊ GW-11 ၊ ရွှေသွယ်လေး ၊မှော်ဘီ ၃ ၊ ရက်(၉၀)၊ ရွှေဧရာ၊ ပခန်း စသောမျိုးများကို အဓိကစိုက်ပျိုးကြပါသည်။ ၂၀၂၅ ခုနှစ် မေလ နောက်ဆုံးပတ်က စိုက်ပျိုးသော မိုးစပါးများသည် ၂၀၂၅ ခုနှစ် စက်တင်ဘာလ ပထမပတ်တွင် စတင်ထွက်ရှိလာကြပါသည်။ ကောက်စောမိုးစပါး ရိတ်သိမ်းသော လေးမျက်နှာမြို့နယ်၊ အိုင်သပြုအုပ်စု၊ ဂျို့ကုန်းကျေးရွာမှ တောင်သူ ဦးရန်နိုင်စိုး၏ ဆင်းသုခ စပါးမျိုးစိုက်ပျိုးထားသော လယ်(၄.၀၀)ဧကသို့ ကွင်းဆင်း လေ့လာ ခဲ့ပါသည်။ တစ်ဧက လျှင် ပျမ်းမျှ အစိုဓါတ် ရာခိုင်နှုန်း(၂၄-၃၀)ကြားရှိပြီး (၅၄)ပေါင် ( ၈၀ တင်း မှ ၉၀ တင်း)ထိ ပျှမ်းမျှ ထွက်ရှိကြောင်းသိရှိရပါသည်။ ကွင်းပေါက်ဈေးမှာ အစို(၅၄)ပေါင် တင်း(၁၀၀)လျှင် (၈၅၀၀၀၀/-ကျပ်မှ ၉၅၀၀၀၀ ကျပ်) ဖြင့် ရောင်းချရပြီး ကုန်သည်များမှ ကွင်းအရောက်ဝယ်ယူကြောင်း၊ ယခင်နှစ် စပါးအထွက်နှုန်းနှင့် နှိုင်းယှဉ်ပါက အထွက်နှုန်းကောင်းသော်လည်း စပါးဝယ်ယူမှုဈေးနှုန်း ကျဆင်းနေကြောင်း တောင်သူ ဦးရန်နိုင်စိုးမှ ပြောကြားကြောင်း သတင်း ရရှိပါသည်။
DOCA (ဧရာဝတီ)