စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၁၆.၉.၂၀၂၅ ရက်နေ့တွင် မိုးညှင်းမြို့၊ မြို့ရှောင်လမ်းအနီး၊ ရွာသစ်ကုန်းကျေးရွာရှိ သောက်ရေသန့် ထုတ်လုပ်သည့်စက်ရုံ ဇွဲမဟာ အမှတ်တံဆိပ် (သောက်ရေသန့်အမျိုးမျိုး) အား ကုန်စည်များတွင် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ဈေးကွက်မရောက်မီ သွားရောက်စစ်ဆေးခဲ့ပါ သည်။
ထိုသို့ ကွင်းဆင်းစစ်ဆေးရာတွင် ဇွဲမဟာ သောက်ရေသန့်စက်ရုံမှ ထုတ်လုပ်သည့် ကုန်စည် အမျိုးအစား (၁) မျိုးဖြစ်သည့် (၂၀) လီတာ သောက်ရေသန့်တွင် မြန်မာနိုင်ငံစားသုံးသူကာကွယ်ရေး ကော်မရှင် ညွှန်ကြားချက်အမှတ် (၂/၂၀၂၉) ပါ အစားအသောက်များ ကုန်စည်အုပ်စုတွင် ပါဝင်သည့် သောက်ရေသန့်အမျိုးမျိုးတွင် မြန်မာဘာသာဖြင့် ကုန်ညွှန်းအမှတ်အသား ဖော်ပြရမည့် အမျိုးအမည်၊ အရွယ်အစား၊ အရေအတွက် အသားတင်ပမာဏ၊ ထားသိုသိမ်းဆည်းမှုအညွှန်း တို့အား ပြည့်စုံစွာ ဖော်ပြထားရှိပြီး အစားအသောက်နှင့်ဆေးဝါးကွပ်ကွဲရေးဦးစီးဌာန၏ ထောက်ခံချက်၊ စည်ပင်သာယာ ရေးအဖွဲ့၏ လုပ်ငန်းလိုင်စင်များနှင့်အညီ ကိုက်ညီစွာထုတ်လုပ် ဖြန့်ဖြူးရောင်းချလျှက်ရှိကြောင်း စစ် ဆေးတွေ့ရှိရပြီး သောက်ရေသန့်လုပ်ငန်းရှင် ဒေါ်သီသီထွန်း အား စားသုံးသူကာကွယ်ရေးဥပဒေပါ ကုန်စည်နှင့် ဝန်ဆောင်မှု၏ အဓိပ္ပါယ်ဖွင့်ဆိုချက်၊ စီးပွားရေးလုပ်ငန်းရှင်၏ တာဝန် (၁၁) ချက်၊ ကုန်စည် သို့မဟုတ် ဝန်ဆောင်မှု အပေါ်တာဝန်ရှိမှုနှင့် စပ်လျဉ်း၍ အာမခံချက် ပေးရမည့်အချက်များ၊ အာမခံချက်ပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေး များ၊ စီးပွားရေးလုပ်ငန်းရှင်များ လိုက်နာဆောင်ရွက်ရမည့် အချက်များ၊ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ ဖော်ပြရမည့်အချက်များ၊ ဥပဒေပါ တားမြစ်ချက်များနှင့် ပြစ်မှု၊ ပြစ်ဒဏ်များ၊ သက်ဆိုင်ရာဌာန၏ ထောက်ခံချက်နှင့် ကုန်အညွှန်းအမှတ်အသားပြည့်စုံစွာ ဖော်ပြထားခြင်းမရှိသော ကုန်စည်များကို ဖြန့်ဖြူးရောင်းချနေကြောင်း တွေ့ရှိပါက စားသုံးသူကာကွယ်ရေးဥပဒေအရ အရေးယူ ခံရမည့်အပြင် သက်ဆိုင်ရာဌာနများ၏ ဥပဒေအရလည်း အရေးယူခံရမည်ဖြစ်ကြောင်း အသိပညာ ပေး ဆွေးနွေးခဲ့ပါသည်။
DOCA(ကချင်)