ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ် ရန်ကုန်ပေါက်ကျေးရွာ အခြေခံပညာမူလတန်းကျောင်း၌ စက်တင်ဘာလ(၁၂)ရက်နေ့၊ နံနက်(၁၀:၀၀) နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ စားသုံးသူရေးရာဦးစီးဌာနတို့ ပူးပေါင်း၍ လူငယ်ရေးရာအသိ ပညာပေးဟောပြောခြင်းနှင့် စားသုံးသူကာကွယ်ရေး အသိပညာပေးဟောပြောပွဲကို ကျင်းပပြုလုပ်ခဲ့ကြောင်း သိရသည်။
အဆိုပါ ဟောပြောပွဲတွင် တွံတေးမြို့နယ် ရန်ကုန်ပေါက်ကျေးရွာ အခြေခံပညာမူလတန်းကျောင်းမှ ကျောင်းအုပ်ဆရာမကြီးက အဖွင့်မိတ်ဆက် အမှာစကားပြောကြားခဲ့ပြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးက လူငယ်များ ဗလငါးတန်နှင့်ပြည့်စုံပြီး အသိပညာ ဗဟုသုတတိုးပွားလာစေရေး၊ နှုတ်မှုစွမ်းရည်များတိုးတက်လာစေရန် ကိုယ်ကျင့်တရားကောင်းမွန်သည့် လူတော်လူကောင်းများ ဖြစ်ထွန်းပေါ်ပေါက်လာစေရန် ရည်ရွယ်ပြီး လူငယ်ရေးများအတွက် အသိပညာပေး ဟောပြောပေးခဲ့ပြီး စားသုံးသူရေးရာဦးစီးဌာန မြို့နယ်တာဝန်ခံက စားသုံးသူပြည်သူများ ဘေးဥပဒ်အန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေး ဥပဒေကို ထုတ်ပြန်ပြဌာန်းရခြင်းဖြစ်ကြောင်း၊ ဥပဒေနှင့်စပ်လျဉ်း၍ ကျောင်းသား/ ကျောင်းသူများ အနေဖြင့် သိရှိထားရမည့် စားသုံးသူ၏အခွင့်အရေးနှင့်တာဝန်များ စီးပွားရေးလုပ်ငန်းရှင်၏ တာဝန်များ ကျောင်းသား/ကျောင်းသူ၊ စားသုံးသူပြည်သူများ စားသောက်ကုန်၊ လူသုံးကုန်၊ ဝန်ဆောင်မှုများအပေါ် ဝယ်ယူစားသောက် အသုံးပြုခြင်းဆိုင်ရာ သိထားရမည့်အချက်များအား သတိပြုရမည့်အချက်များအား အသေးစိတ် ရှင်းလင်းဆွေးနွေးခဲ့ပြီး စားသုံးသူကာကွယ်ရေး အသိပညာပေးဆွေးနွေးပြောကြားပေးခဲ့ကြောင်း သိရှိရပါသည်။
DOCA(ရန်ကုန်)