စားသုံးသူရေးရာဦးစီးဌာန၊ ကလောခရိုင်ဦးစီးမှူးရုံး(အောင်ပန်း)မှ ဦးမြင့်နိုင်(ဦးစီးအရာရှိ) သည် ၄-၉-၂၀၂၅ရက်နေ့ ၁၄:၀၀နာရီအချိန်တွင် လွယ်မယ်ကျေးရွာ၊ ရေချိုအုပ်စု၊ ကလောမြို့နယ်ရှိ ဒေသထွက်ကုန် အိမ်တွင်းမှုအကြော်စုံလုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
ထိုသို့ဆွေးနွေးရာတွင် လုပ်ငန်းရှင်အား ထုတ်လုပ်သော ကုန်စည်၏အရည်အသွေး၊ အချိန်အတွယ် ပမာဏနှင့် အလေးချိန်မှန်ကန်မှုရှိခြင်း၊ ဘေးအန္တရာယ်ကင်းရှင်းစေခြင်း၊ အမျိုးအမည်၊ အရွယ်အစား၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက် နှင့် သက် တမ်းကုန်ဆုံးချိန် ဖော်ပြချက်များကို မြန်မာနိုင်ငံ စားသုံးသူကာကွယ်ရေးဥပဒေနှင့်အညီ ဖော်ပြရမည့်အပြင် အမှတ်တံဆိပ်၊ ပါဝင်ပစ္စည်း၊ နေရပ်လိပ်စာနှင့် ဖုန်းနံပါတ်တို့ကိုလည်း ပြည့်စုံစွာ ဖော်ပြပေးရန်လိုအပ်ကြောင်း ရှင်းလင်းဆွေးနွေးခဲ့ပါသည်။
DOCA(ရှမ်း)