၅.၉.၂၀၂၅ ရက်နေ့ နံနက် (၀၉း၀၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ ပြည်နယ်ဦးစီးမှူးသည် မော်လမြိုင်မြို့၊ ဖက်တန်းရပ်ကွက်၊ ပြည်နယ်ခန်းမ၌ ကျင်းပ သော ၂၀၂၄-၂၀၂၅ ပညာသင်နှစ်၊ တက္ကသိုလ်ဝင်စာမေးပွဲတွင် ထူးချွန်စွာအောင်မြင်သော ကျောင်းသား/ သူများ၊ ကျောင်းများ၊ မြို့နယ်များအား ပညာရည်ချွန်ဆုချီးမြှင့်ပွဲ အခမ်းအနားသို့ တက်ရောက်ခဲ့ပါသည်။
အခမ်းအနားတွင် အ.ထ.က (၈) မော်လမြိုင်မှ ကျောင်းသူများက "ဂုဏ်ထူးရှင်တို့ ဂုဏ်ပြုစို့" သီချင်းဖြင့်သီဆိုဖျော်ဖြေခဲ့ပြီး မွန်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်ကြည်သိန်းမှ အဖွင့်အမှာစကားပြောကြားခြင်း၊ မွန်ပြည်နယ်ပညာရေးမှူး ဒေါ်နန့်စယ်လီလှိုင် က ၂၀၂၅ ခုနှစ်တက္ကသိုလ်ဝင်စာမေးပွဲနှင့်ပတ်သက်၍ရှင်းလင်းတင်ပြခြင်း၊ ဆက်လက်၍ မွန်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်ကြည်သိန်းမှ တက္ကသိုလ်ဝင်စာမေးပွဲအောင်ချက် (၅၇.၁၆)% ဖြင့် တစ်နိုင်ငံလုံးတွင် (ပထမ)ဆု ရရှိသော မွန်ပြည်နယ်ပညာရေးဌာနအားလည်းကောင်း၊ တက္ကသိုလ်ဝင်စာမေးပွဲတွင်အောင်ချက်(ပထမ)ရ အောင်ဝိုင်းဝန်းကူညီပေးသောမော်လမြိုင်တက္ကသိုလ်အားလည်းကောင်း၊ ထူးချွန်စွာအောင်မြင်ခဲ့သော ကျောင်းသား/သူများအား ဆုများအသီသီးချီးမြှင့်ခဲ့ကြောင်း သတင်းရရှိပါသည်။
DOCA (မွန်)