နိုင်ငံတော်မှ စားသုံးသူပြည်သူများအား သက်သာသောဈေးနှုန်းဖြင့် စားအုန်းဆီများရောင်းချပေးခြင်း၊ ပြည်တွင်းကုန်စည်ထုတ်လုပ်မှုလုပ်ငန်းများ ဖွံ့ဖြိုးတိုးတက်စေရေးအတွက်လည်း လုပ်ငန်းသုံးစားအုန်းဆီများကို သက်သာစွာရောင်းချပေးလျက်ရှိရာ စားသုံးသူပြည်သူများ သတ်မှတ်ပမာဏများ၊ သတ်မှတ်ဈေးနှုန်းများ၊ မှန်ကန်သောစားအုန်းဆီများ ရရှိစေရေးတို့အား အစဉ်တစိုက် ကွင်းဆင်းကြီး ကြပ် ဆောင်ရွက်လျက်ရှိပါသည်။
ထိုသို့ဆောင်ရွက်လျက်ရှိရာ ခရိုင်အတွင်း စစ်ဆေးမှုများရှိသလို၊ ခရိုင်အလိုက် အပြန်အလှန် စစ်ဆေးမှုများကိုလည်း ဆောင်ရွက်လျက်ရှိရာ စားသုံးသူရေးရာဦးစီးဌာန၊ ကျောက်ဆည်ခရိုင်ဦးစီးမှူးရုံးမှ ခရိုင်ဦးစီးမှူးနှင့်အတူ ဝန်ထမ်းများသည် (၂၇.၈.၂၀၂၅)ရက်နေ့၊ နံနက် (၀၈:၀၀) နာရီအချိန်တွင် ညောင်ဦးခရိုင်၊ ကျောက်ပန်းတောင်းမြို့ရှိ “ဆောင်းနေခြည်”၊ “ရတနာမိုး” နှင့် “ပုဇွန်နှစ်ကောင်” စားအုန်းဆီအရောင်းဆိုင်များမှ စားအုန်းဆီများ စားသုံးသူပြည်သူများသို့ ရောင်းချပေးနေမှုအခြေအနေများ၊ လစဉ်ဆီထုတ်ယူမှုမှတ်တမ်း စာအုပ်များနှင့် အများပြည်သူတို့၏ ဆီဝယ်ယူမှုတွင် အဆင်ပြေ၍စိတ်ကျေနပ်မှုရရှိစေရေးတို့အတွက် ကြီးကြပ်ထိန်းသိမ်းစစ်ဆေးမှုများကို ဆောင်ရွက်ခဲ့ကြောင်း၊ ဆက်လက်၍ မြို့နယ်အလိုက် ဆီခွဲတမ်းရရှိမှုအခြေအနေများ၊ အများပြည်သူသို့ ရောင်းချပေးမှုအခြေအနေများ၊ ဆီခွဲဝေရောင်းချပေးသော လက်လီ/လက္ကားကိုယ်စားများ၏ ဆီရောင်းချပေးမှတ်တမ်းများအား စစ်ဆေးမှုများဆောင်ရွက်ခဲ့ကြောင်း သိရှိရပါသည်။
DOCA(မန္တလေး)