Meta ပလက်ဖောင်းသည် google ကုမ္ပဏီနှင့် ဒေါ်လာ ၁၀ ဘီလီယံတန်ကြေးရှိသော cloud ဝန်ဆောင်မှုများနှင့် ပတ်သက်သည့် သဘောတူညီချက်ကို လက်မှတ်ရေးထိုးခဲ့ကြောင်း သိရပါသည်။ အဆိုပါသဘောတူညီမှုတွင် Meta သည် Google အားအသုံးပြု၍ cloud ၏ ဆာဗာ၊ storage၊ ကွန်ရက်နှင့် တစ်ခြားသော ဝန်ဆောင်မှုများကို အသုံးပြုသွားမည်ဖြစ်ကြောင်း သိရပါသည်။ အဆိုပါသတင်းသည် Meta ကုမ္ပဏီ၏ အမှုဆောင်အရာရှိချုပ် Mark Zuckerberg ၏ အဆိုပါ ကုမ္ပဏီသည် များစွာသော AI ဒေတာစင်တာများတည်ထောင်ရန်အတွက် ဒေါ်လာ ဘီလီယံချီ သုံးစွဲသွားမည်ဟု ပြောကြားချက်အပြီးတွင်ထွက်ပေါ်လာခြင်းဖြစ်ကြောင်း သိရပါ သည်။ အဆိုပါ ကုမ္ပဏီသည် ၎င်း၏ တစ်နှစ်တာအောက်ခြေ အသုံးစရိတ်ကို ၂ ဘီလီယံခန့်တိုးမြင့် ရန် ခန့်မှန်းထားပြီး ယခင်လတွင် ၎င်း၏ အသုံးစရိတ်ကို ၆၆ ဘီလီယံမှ ၇၂ ဘီလီယံ အထိ သတ်မှတ်ထားကြောင်း သိရပါသည်။ Meta သည် ဒေတာစင်တာတွင် ဒေါ်လာ ၂ ဘီလီယံခန့် ဖယ်ရှားခြင်းဖြင့် AI စွမ်းအား အသုံးပြုရန်အတွက် ကြီးမားသော အခြေခံအဆောက်အဦများတည် ဆောက်ရန် ရန်ပုံငွေများကို ပြင်ပကုမ္ပဏီများမှ ရှာဖွေလျက်ရှိကြောင်း ကုမ္ပဏီ၏ ထုတ်ဖော်ပြချက်များ အရသိရပါသည်။ ယခုလိုရှုပ်ထွေးသော သဘောတူညီမှုများကြားတွင် google ၏ cloud computing ယူနစ်များသည် ဒုတိယသုံးလပတ်ကာလတွင် ၃၂ ရာခိုင်နှုန်းခန့် မြင့်တက်လျက်ရှိကြောင်း သိရပါသည်။
Source: CNA
DOCA (ရန်ကုန်)