စားသုံးသူရေးရာဦးစီးဌာန၊ကရင်ပြည်နယ်ဦးစီးမှူးဦးသန်းဦး ဦးဆောင်၍ ၂၃-၈-၂၀၂၅ ရက်နေ့ နံနက်(၁၀:၀၀)နာရီအချိန်တွင် ကရင်ပြည်နယ်ဦးစီးမှူးရုံး အစည်းအဝေးခန်းမ၌ ကရင်ပြည်နယ် ပဲမျိုးစုံနှင့် ဆီထွက်သီးနှံ စိုက်ပျိုးထုတ်လုပ်တင်ပို့ရောင်းချသူများအသင်းနှင့် တွေ့ဆုံဆွေးနွေးခဲ့ကြောင်း သိရသည်။
ပြည်နယ်ဦးစီးမှု ဦးသန်းဦးက စားသုံးသူရေးရာဦးစီးဌာန၏ မျှော်မှန်းချက်ဖြစ်သည့် ပြည်တွင်း ကုန်သွယ်မှု ဖွံ့ဖြိုးရေးနှင့်စားသုံးသူကာကွယ် ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုး တိုးတက် စေရေး ဆောင်ရွက်ရာတွင် ပြည်တွင်းကုန်သွယ်မှု ဖွံ့ဖြိုးရေးနှင့် ပြည်ပပို့ကုန်မြှင့်တင်ရေး အထောက်အကူပြု အလားလာရှိသော ပဲမျိုးစုံနှင့်ဆီထွက်သီးနှံစိုက်ပျိုးထုတ်လုပ်တင်ပို့ရောင်းချသူများအသင်းနှင့် တွေ့ဆုံရခြင်းဖြစ်ကြောင်းနှင့်အသင်းဘက်မှ မိမိတို့လုပ်ငန်းများဆောင်ရွက်ရာတွင် ကြုံတွေ့ နေရသည့်အခက်အခဲများ လိုအပ်ချက်များ တင်ပြဆွေးနွေးနိုင်ပါကြောင်း၊ ဆက်လက်၍ ကရင်ပြည်နယ် ပဲမျိုးစုံနှင့် ဆီထွက်သီးနှံစိုက်ပျိုးထုတ်လုပ်သူများအသင်းမှ ပြည်တွင်းပဲမျိုးစုံ သယ်ယူ ပို့ဆောင်ရာတွင် ဆောင်ရွက်လျက်ရှိသည့် လုပ်ငန်းဆောင်ရွက်မှု အခြေအနေများကို လည်းကောင်း၊ အသင်းအနေဖြင့် အသင်းအဖွဲ့စည်းမျည်းရေးဆွဲဆောင်ရွက်ထားရှိမှုအခြေအနေနှင့် ကရင်ပြည်နယ် အတွင်း ပဲမျိုးစုံစီးဝင်/စီးထွက်မှု အခြေအနေ/ဈေးနှုန်းဈေးကွက်ဖြစ်ပေါ်မှုအခြေအနေများကို လည်း ကောင်း ၊ပဲမျိုးစုံထွက်ပစ္စည်းများ ရောင်းချမှုအပေါ် နိုင်ငံခြားငွေလဲလှယ်ခြင်းနှင့်ပတ်သက်၍ ကုန်သွယ်ဦးစီးဌာနက ထုတ်ပြန်ထားသည့် ပို့ကုန်သွင်းကုန်နှင့်ပတ်သက်သည့် သတင်းလွှာအကြောင်းကိုလည်းကောင်း ဆွေးနွေးခဲ့ကြောင်း သိရသည်။
ကရင်ပြည်နယ်တွင် ပြည်နယ်အဆင့်(၄၂)အသင်းထိ ဖွဲ့စည်းထားရှိသော်လည်း လှုပ်ရှားသက်ဝင်မှု အားကောင်းသောအသင်း (၁၁)သင်းသာရှိသောကြောင့် အသင်းများသက်ဝင် လှုပ်ရှားမှု အားကောင်းစေရေး အသင်းဖွဲ့စည်းမျဉ်းရေးဆွဲတင်ပြနိုင်ရေးအတွက် စားသုံးသူရေးရာဦးစီးဌာန ကရင်ပြည်နယ်ဦးစီးမှူးရုံးက စည်းရုံးဆောင်ရွက်လျက်ရှိကြောင်း သိရသည်။
DOCA(ကရင်)