၂၀၂၅ ခုနှစ်၊ သြဂုတ်လ ၂၄ ရက်နေ့၊ နေ့လယ် (၁၀း၀၀) နာရီအချိန်တွင် စားသုံးသူရေးရာ ဦးစီးဌာန ၊ တနင်္သာရီတိုင်းဒေသကြီးဦးစီးမှူးရုံးတွင် တိုင်းဒေသကြီးဦးစီးမှူးမှ ကြက်သွန်နီများအား ထားဝယ်မှကော့သောင်းသို့ ကားလမ်းကြောင်းဖြင့် သယ်ယူမည့်ကိစ္စရပ်များနှင့် စပ်လျဥ်း၍ လာ ရောက်မေးမြန်းသည့်လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
တွေ့ဆုံရာတွင် စီးပွားရေးလုပ်ငန်းရှင်မှ ထားဝယ်မြို့မှ ကော့သောင်းမြို့သို့ ကြက်သွန်နီများအား ကားလမ်းခရီးဖြင့်သယ်ယူမည့်ကိစ္စရပ်များအား ဆွေးနွေးခဲ့ပြီး တိုင်းဒေသကြီးဦးစီးမှူးမှ သယ်ယူရာတွင် လတ်တလောအခြေအနေအရ စီးပွားရေးလုပ်ငန်းရှင်၏တင်ပို့မှုအတွက် ယာဥ် မောင်း၊ ကားနံပါတ်၊ တင်ပို့မည့်အရေအတွက်၊ တိုင်းဒေသကြီးစားဖိုဆောင်သီးနှံလုပ်ငန်းရှင်များ အသင်း၏ထောက်ခံချက်နှင့်အတူ စားသုံးသူရေးရာဦးစီးဌာနသို့တင်ပြ၍ စားသုံးသူရေးရာဦးစီးဌာန မှ တိုင်းအစိုးရအဖွဲ့နှင့် စီးပွားရေးရာဝန်ကြီးသို့ တင်ပြ ခွင့်ပြုချက်ရယူပြီး သယ်ဆောင်ခွင့်ရရှိရေး ဆောင်ရွက်ပေးသွားမည်ဖြစ်ကြောင်း ပြောကြားခဲ့ပါသည်။
DOCA(တနင်္သာရီ)