ထိုင်းနိုင်ငံသို့ အမေရိကန်၊ တရုတ်နှင့် အိန္ဒိယကုန်စည်များ အလုံးအရင်းဖြင့် စီးဆင်းဖွယ်ရှိ

   အမေရိကန်နိုင်ငံရှိ ထိုင်းအကြီးတန်းစီးပွားလုပ်ငန်းရှင်သည် အမေရိကန်နိုင်ငံမှ နောက်ဆုံး ထုတ်ပြန်ထားသည် အကောက်ခွံစည်းကြပ်မှုကြောင့် တရုတ်နိုင်ငံနှင့် အိန္ဒိယနိုင်ငံမှ ကုန်စည်များ ထိုင်းနိုင်ငံသို့ အလုံးအရင်းဖြင့် ဝင်ရောက်နိုင်ဖွယ်ရှိကြောင်း သတိပေးခဲ့ပြီး အဆိုပါကိစ္စကြောင့် ပြည်တွင်းစီးပွားရေးလုပ်ငန်းရှင်များအနေဖြင့် အခက်အခဲများနှင့် ရင်ဆိုင်ရနေကြောင်း ပြောကြား ခဲ့ပါသည်။ PJUS GROUP ၏အတွင်းရေးမှူး၊ အပြည်ပြည်ဆိုင်ရာကုန်သွယ်မှုမြှင့်တင်ရေးဌာန၏ အကြံပေးဆိုသူ၊ Pramook Chetphongsathorn က တရုတ်နိုင်ငံမှ ကုန်စည်များသည် သြဂုတ်လ မတိုင်ခင်အထိ အမေရိကန်နိုင်ငံမှ အခွန် ၃၀ ရာခိုင်နှုန်းကင်းလွတ်ခွင့်ရရှိသဖြင့် အကျိုးအမြတ် များ ရရှိနေကြောင်း Thansettakij အားပြောကြားခဲ့ပါသည်။ အဆိုပါကင်းလွတ်ခွင့်သည် တရုတ်နိုင်ငံမှ အမေရိကန်နိုင်ငံကုန်ပစ္စည်းများအပေါ် ၁၀ ရာခိုင်းနှုန်း အကောက်ခွန်စည်းကြပ်မှု ပြုလုပ်သောကြောင့် ဖြစ်ပေါ်လာခြင်းဖြစ်ကြောင်း သိရပါသည်။ ယခင် ကုန်သွယ်ရေးစစ်ပွဲများ ကြားတွင် အမေရိကန်နိုင်ငံသည် တရုတ်နိုင်ငံမှ ကုန်ပစ္စည်းများ အပေါ် ၁၄၅ ရာခိုင်နှုန်း ကောက်ခံလျက်ရှိပြီး တရုတ်နိုင်ငံသည်လည်း အမေရိကန်နိုင်ငံမှ ကုန်ပစ္စည်းများအပေါ် ၁၂၅ ရာခိုင်နှုန်းကောက်ခံလျက် ရှိကြောင်း သိရပါသည်။ ယခုတွင် အဆိုပါ နှစ်နိုင်ငံလုံးသည် သဘောတူညီမှုအသစ်ရရှိအောင် ညှိနှိုင်းမှုများ ဆက်လက် လုပ်ဆောင်နေကြောင်း သိရပါသည်။ ထပ်ပေါင်းအနေဖြင့် အမေရိကန် နိုင်ငံသည် အိန္ဒိယနိုင်ငံနှင့် ညှိနှိုင်းမှုကို အဆုံးသတ်ခဲ့ပြီး အိန္ဒိယနိုင်ငံမှ တင်သွင်းသော ကုန်ပစ္စည်း များအပေါ် အခွန် ၂၅ ရာခိုင်နှုန်း တိုးမြှင့်ကောက်ခံမည်ဖြစ်ကြောင်း ကြေညာခဲ့ပါသည်။ ထိုင်းနိုင်ငံ သည် တရုတ်နိုင်ငံနှင့် အိန္ဒိယနိုင်ငံမှ ပိုလျှံသော ကုန်ပစ္စည်းများအတွက် အဓိကပစ်မှတ်ဖြစ်လာရန် မျှော်မှန်းလျက်ရှိပြီး ကုန်သွယ်ရေးသဘောတူညီချက်တိုးတက်မှုအပြီးတွင် အမေရိကန်နိုင်ငံမှ တင်သွင်းသော ကုန်ပစ္စည်းများအပေါ် အခွန်တိုးမြှင့်နိုင်ခြေရှိကြောင်း သိရပါသည်။ အကောက်ခွန် များတိုးမြှင့်လိုက်သော်လည်း အမေရိကန်နိုင်ငံရှိ ထိုင်းအစားအသောက်ထုတ်လုပ်သည့် အဖွဲ့အစည်း PJUS GROUP သည်အဆိုပါ တင်ပို့ခွန်စည်းကြပ်မှုအသစ်ကြောင့် အကျိုးသက် ရောက်မှုများ မရှိနိုင်ကြောင်း သိရပါသည်။ အဆိုပါကုမ္ပဏီသည် အကောက်ခွန်စည်းကြပ်ခြင်း မြင့်တက်လာမှုနှင့်အတူ ၎င်း၏ စျေးနှုန်းများကိုလည်း မြှင့်တင်လျက်ရှိပြီး ဇူလိုင်လအတွက် ၎င်းကုမ္ပဏီ၏ ‌ရောင်းအားသည် အမြင့်ဆုံးဖြစ်ကြောင်း သိရပါသည်။

DOCA(ရန်ကုန်)