စက်မှု၊ သိပ္ပံ၊ နည်းပညာနှင့် ဆန်းသစ်တီထွင်မှုဝန်ကြီးဌာန(MISTI) ဝန်ကြီး Hem Vanndy က စီးပွားရေးလုပ်ငန်းများကို ဒစ်ဂျစ်တယ်စီးပွားရေးအတွက် ကြိုတင်ပြင်ဆင်ရန်၊ သုတေသနနှင့် ဆန်းသစ်တီထွင်မှုကို မြှင့်တင်ရန်နှင့် ကမ္ဘောဒီးယားနိုင်ငံသည် ၂၀၂၉ ခုနှစ်တွင် ဖွံ့ဖြိုးမှု အနည်းဆုံးနိုင်ငံ (LDC) အဆင့်မှ တိုးတက်လာစေရေး ရည်မှန်းချက်အောင်မြင်ရန် ဘေးအန္တရာယ်များကို စီမံခန့်ခွဲရန်နှင့် လျှော့ချရန် လုပ်ငန်းရှင်များအား တိုက်တွန်းထားခဲ့သည်။ ဝန်ကြီးဌာနနှင့် ဂျာမန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (GIZ) တို့သည် ဒစ်ဂျစ်တယ်ပလပ်ဖောင်းများနှင့် နယ်စပ်ဖြတ်ကျော်ပူးပေါင်းဆောင်ရွက်မှုများမှတစ်ဆင့် အသေးစားနှင့်အလတ်စားစီးပွားရေးလုပ်ငန်းများ (SMEs) ၏ ဒေသတွင်းချိတ်ဆက်နိုင်မှုများအား မြှင့်တင်ခြင်းကို ဂုဏ်ပြုသောအားဖြင့် ၂၆-၈-၂၀၂၅ ရက်နေ့တွင် ဝန်ကြီးဌာနနှင့် အပြည်ပြည် ဆိုင်ရာပူးပေါင်းဆောင်ရွက်ရေးအေဂျင်စီ (GIZ) တို့ တွေ့ဆုံဆွေးနွေးခဲ့ကြသည်။ ဝန်ကြီးဌာန သည် စီးပွားရေးလုပ်ငန်းများကို ဒစ်ဂျစ်တယ်စီးပွားရေးအတွက် ကြိုတင်ပြင်ဆင်ရန်၊ သုတေသနနှင့် ဆန်းသစ်တီထွင်မှုကို မြှင့်တင်ရန်နှင့် နည်းပညာကြောင့်ဖြစ်ပေါ်လာနိုင်သည့် အန္တရာယ်များကို စီမံခန့်ခွဲရန်နှင့် လျှော့ချရန်၊ ၂၀၂၉ ခုနှစ်တွင် ကမ္ဘောဒီးယားနိုင်ငံ၏ ဖွံ့ဖြိုးမှုအနည်းဆုံးနိုင်ငံ (LDC) အဆင့်အတန်းမှ တိုးတက်လာစေရန် ပံ့ပိုးကူညီရန်အတွက် လုပ်ငန်းများကို အလေးအနက်ထားပြီး အားပေးတိုက်တွန်းခဲ့သည်" ဟု Vanndy မှ ပြောကြားခဲ့သည်။ GIZ Cambodia ၏ Country Director Matthias Bickel က အဆိုပါစီမံကိန်းသည် SME လုပ်ငန်းများ၏ စျေးကွက်လက်လှမ်းမီမှုနှင့် နိုင်ငံတကာ လှုပ်ရှားမှု များကိုမြှင့်တင်ပေးခြင်းဖြင့် ၎င်းတို့အား ပိုမိုခံနိုင်ရည်ရှိစေမည့် မူဝါဒများနှင့်စည်းကမ်း ထိန်းသိမ်းရေးတို့ကို ပုံဖော်ပေးခြင်းဖြင့် ဒေသတွင်းစီးပွားရေး အားကောင်း လာစေရန်အတွက် ကြိုးပမ်းအားထုတ်ပေးခဲ့ကြောင်း အဆိုပါအခမ်းအနားတွင် ပြောကြားခဲ့သည်။ ဆက်လက်၍ Bickel က နှစ်နိုင်ငံနှင့် ဒေသဆိုင်ရာ အစီအစဉ်များမှတစ်ဆင့် ကမ္ဘောဒီးယား၏ MSME ဖွံ့ဖြိုးတိုးတက်ရေးကို ပံ့ပိုးပေးရန် ဂျာမနီနိုင်ငံ၏ ကတိကဝတ်ကို ထပ်မံအတည်ပြုခဲ့သည်။
DOCA(ရန်ကုန်)