မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြိုနယ်တာဝန်ခံသည် စားသုံးသူအခွင့်အရေးများ သိရှိပြီး ရယူတောင်းဆိုတတ်စေရေး၊ လိုက်နာရမည့်တာဝန်များကို သိရှိစေရေး၊ စားသုံးသူကာကွယ်ရေး ဥပဒေပါရည်ရွယ်ချက်များကို သိရှိလိုက်နာနိုင်စေရန် ရည်ရွယ်၍ (၂၅.၈.၂၀၂၅)ရက်နေ့၊ နံနက်(၀၉:၀၀) နာရီအချိန်တွင် ပွင့်ဖြူမြို့၊ အထွေထွေအုပ်ချုပ်ရေးဦးစီးမှူးရုံး၊ ဗိုလ်ဥတ္တမခန်းမ၌ စားသုံးသူကာကွယ်ရေးအသိပညာပေး ဟောပြောဆွေးနွေးခဲ့ကြောင်း သိရသည်။
အဆိုပါဟောပြောပွဲတွင် မြို့နယ်တာဝန်ခံက ကုန်စည်များကို ရွေးချယ်ဝယ်ယူစားသုံးရာတွင် ကုန်အညွှန်းအမှတ်အသားကို သေချာစိစစ်၍ ဖတ်ရှု့ဝယ်ယူသုံးစွဲကြရန်နှင့် ဦးစီးဌာန၏ ရည်မှန်းချက်၊ မျှော်မှန်းချက်များ၊ လက်ရှိဆောင်ရွက်နေသည့် လုပ်ငန်းတာဝန်များအကြောင်း၊ စားသုံးသူ ကာကွယ် ရေးဥပဒေပါ စားသုံးသူ၏ အခွင့်အရေးနှင့် လိုက်နာရမည့်တာဝန်များအကြောင်း၊ စီးပွားရေးလုပ်ငန်းရှင် ၏တာဝန်များ၊ တားမြစ်ချက်များအကြောင်းနှင့် ကုန်စည်နှင့် ဝန်ဆောင်မှုများ အသုံးပြုရာတွင် နစ်နာ ဆုံးရှုံးမှုများ ဖြစ်ပေါ်လာပါက တိုင်ကြားခွင့်၊ ကုစားခွင့်များနှင့် Call Center 1535 သို့ဆက်သွယ်တိုင်ကြားနိုင်သည့်အကြောင်းများကို အသိပညာပေးဟောပြောဆွေးနွေးခဲ့ကြောင်း သိရှိရသည်။
DOCA(မကွေး)