၂၇.၈.၂၀၂၅ ရက်နေ့ နေ့လယ် (၁၅) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်ထိုမြို့နယ်ခေတ္တမြို့နယ်တာဝန်ခံ ဦးစည်သူသည် ကျိုက်ထိုမြို့၊ တောင်သူစု ရပ်ကွက်၊ အောင်သီရိမြိုင်(၂)လမ်း၌ စားအုန်းဆီရောင်းချနေသော လက်လီဆိုင်အား ကွင်းဆင်း စစ်ဆေးခဲ့ကြောင်း သိရသည်။
ထိုသို့ စစ်ဆေးရာတွင် စားအုန်းဆီလက်လီ/လက်ကား ရောင်းချနေသော ကိုယ်စားလှယ်များအနေဖြင့် စားအုန်းဆီဖြန့်ဖြူးရောင်းချရာတွင် ဈေးနှုန်းများကို ဗီနိုင်းများချိတ်ဆွဲရောင်းချ စေရေး၊ ရောင်းချသည့်ဈေးနှုန်းများကိုလည်း (၂%) အမြတ်ထက်ကျော်လွန်၍ ရောင်းချခြင်းမပြုရန်၊ အလေးချိန်အချင်အတွယ်မှန်ကန်စေရေး၊ ပြည်သူများလက်ဝယ်သို့ သတ်မှတ်နှုန်းထားဖြင့် အမှန်တကယ် တိုက်ရိုက်ရောင်းချစေရေး၊ ဌာနမှသတ်မှတ်ထုတ်ပြန်ထားသော ညွှန်ကြားချက် များနှင့်အညီ လိုက်နာဆောင်ရွက်စေရေးတို့အတွက် မြေပြင်အခြေအနေကွင်းဆင်းကြပ်မတ် ဆောင်ရွက်ခဲ့ကြောင်းနှင့် လက်လီအရောင်းဆိုင်များအနေဖြင့် လိုက်နာဆောင်ရွက်လျက်ရှိ ကြောင်း သိရသည်။
DOCA (မွန်)