“ ဒလမြို့နယ်၌ ဓာတ်မြေဩဇာ ဖြန့်ဖြူးရောင်းချရေး ကော်မတီလုပ်ငန်းညှိနှိုင်းအစည်းအဝေး ကျင်းပ ”

          ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်၌ ဓာတ်မြေဩဇာဖြန့်ဖြူးရောင်းချရေး ကော်မတီဖွဲ့စည်းတာဝန်ပေးအပ်ထားသော သက်ဆိုင်သည့်မြို့နယ်အဆင့် ဌာနဆိုင်ရာလုပ်ငန်း ညှိနှိုင်းအစည်းအဝေးကို ဩဂုတ်လ(၁၅)ရက်နေ့၊ နံနက်(၁၀:၀၀)နာရီအချိန်တွင် ဒလမြို့နယ် အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူးရုံးခန်းမ၌ ကျင်းပပြုလုပ်ခဲ့ကြောင်း သိရသည်။

           အဆိုပါ လုပ်ငန်းညှိနှိုင်း အစည်းအဝေးတွင် မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးစိုင်းအောင်မြတ်က ဒလမြို့နယ်တွင် ၂၀၂၅-၂၀၂၆ ခုနှစ် မိုးစပါးအတွက် ကျေးရွာအုပ်စုများအား ဓာတ်မြေဩဇာဖြန့်ဖြူးနိုင်ရေးအတွက် မြို့နယ်အဆင့် တာဝန်ရှိသူများနှင့် ဖွဲ့စည်းတာဝန်ပေးအပ်ခဲ့ပြီးဖြစ်ကြောင်း ကော်မတီလုပ်ငန်းတာဝန်များဖြစ်သော မြို့နယ်အတွင်း ဓာတ်မြေဩဇာလိုအပ်ချက်စာရင်းနှင့် ဓာတ်မြေဩဇာဆိုင် စာရင်းကောက်ယူမှု အခြေအနေအားတင်ပြရန်၊ ရန်ကုန်ဆိပ်ကမ်းမှ မြို့နယ်အရောက် သယ်ယူပို့ဆောင်ရာတွင် ကြီးကြပ်ဆောင်ရွက်ပေးခြင်း၊ လိုအပ်သည့်ကိစ္စရပ်များအား ဆက်လပ်တင်ပြရန် ဈေးနှုန်းသက်သာစွာဖြင့် ဝယ်ယူနိုင်ကြောင်း တောင်သူများအားအသိပေးကြော်ငြာခြင်း၊ အမှန်တကယ် အသုံးပြုမည့် တောင်သူများ လက်ဝယ်ရောက်ရှိစေရေး ကူညီဆောင်ရွက်ပေးခြင်း၊ တောင်သူများသို့ ဓာတ်မြေဩဇာများ ဖြန့်ဖြူးရောင်းချရာတွင် လေလွင့်ဆုံးရှုံးမှုများ အလွဲသုံးစားမှုများ မရှိစေရေးတို့အား ကြီးကြပ်ဆောင်ရွက်ပေးကြရန် စသည့်မြို့နယ်အဆင့် ဓာတ်မြေဩဇာ ဖြန့်ဖြူးရောင်းချရေးကော်မတီ၏ လုပ်ငန်းတာဝန်များအား အသေးစိတ်ရှင်းလင်းဆွေးနွေး ပြောကြားခဲ့ကြောင်း သိရှိရပါသည်။

DOCA(ရန်ကုန်)