ကျုံပျော်မြို့နယ်၊စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် မြို့နယ်ဆန်စက်လုပ်ငန်းရှင်များအသင်း၏ (၂၀၂၅/၂၀၂၈) ကာလအတွက် အမှုဆောင်အဖွဲ့ဝင်အသစ်ရွေးချယ်ပွဲအား (၂၁.၇.၂၀၂၅) ရက်နေ့၊ နံနက် (၁၀:၀၀) နာရီအချိန်တွင် ဆောင်ရွက်ခဲ့ပြီး၊ အဆိုပါဆန်စက်လုပ်ငန်းရှင်များအသင်း အမှုဆောင်အဖွဲ့ရွေးချယ်တင်မြှောက်ရေးလုပ်ငန်းကော်မတီအဖြစ် မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်ဦးစီးမှူးနှင့် စားသုံးသူရေးရာဦးစီးဌာနမှ မြို့နယ်တာဝန်ခံ၊ ဆန်စက်လုပ်ငန်းရှင်များအသင်း နာယကတို့မှ ဆောင်ရွက်ပေးခဲ့ပြီး တက်ရောက်လာသူ ဆန်စက်လုပ်ငန်းရှင်များမှ အမှုဆောင်ကော်မတီရွေးချယ်တင်မြှောက်မှုအရ အမှုဆောင်(၁၈)ဦး၊ အသင်းသား (၁၄) ဦးဖြင့် ဖွဲ့စည်းဆောင်ရွက်ခဲ့ကြောင်း သိရှိရပါသည်။
DOCA (ဧရာဝတီ)